Chotto Maki (廈門街) (已結業)

Lunch time唔想食得太重口味，有時都會食壽司、魚生飯🍣想有啲新意思，灣仔就有一間主打創意卷物嘅Chotto Maki，有好多款混合不同食材、醬料配搭嘅卷物，分中卷同大卷兩種size，一啖就食到多重味道口感😙😙係門口仲見到有宣傳牌寫住夜晚730後有8折，都幾抵食🤑Black Magma有碎帶子、碎蔥吞拿魚蓉、天婦羅脆脆、黑芝麻醬，餡料整體好軟滑，帶少許黑芝麻香味幾特別😛Philadelphia有三文魚、忌廉芝士、牛油果、飛魚子、蛋黃醬、鰻魚汁，口感好豐富。三文魚加上忌廉芝士🧀絕對係絕配，加埋飛魚子有啲咬口😗三文魚壽司、吞拿魚壽司除咗創意卷物呢度仲有啲經典款壽司，如果唔想食太多醬想健康啲就可以叫😆另外仲有poke bowl。人均消費：$80推介指數（10分為滿分）：7分