影片
更多
2023-02-25
46 瀏覽
呢間新式泰國菜，無論環境定係嘢食都超級靚，打卡真係一流！餐廳行Cafe風格嘅裝修🌾，提供好多種新派東南亞菜，加入咗東南亞風味嘅食材同醬汁，色彩繽紛，又靚又好食～😍平日晚市入座，都好多食客座無虛席，嚟之前記得book定位！見到佢啲菜式樣樣都咁吸引，而且係平時泰國菜館比較少見嘅組合，全部都好想試，真係要分幾次嚟！------------------------------🦀◖藍蝶花蟹肉菠蘿炒飯◗ $138炒飯加入咗蝶豆花，望落嗰種藍色好靚，食落味道冇太大特別，但係蝶豆花有好多豐富嘅花青素，可以幫助抗氧化！炒飯上面有好多蟹肉，夾雜住粒粒提子乾，撈埋佢啲炭香肉鬆，都幾惹味！佢仲有燒菠蘿伴碟🍍，炙燒過嘅菠蘿外層乾身裏面仍然多汁，帶啲炭燒嘅香味，酸酸地幾開胃！ 🐓◖馬薩拉奶油咖喱雞◗ $118裏面有一大塊雞扒嘅份量，另外仲有茄子🍆、薯仔🥔同埋蓮藕。馬薩拉咖喱加入咗少少奶油，可以中和少少咖喱嘅辣味，但味道仍然會偏辣少少，咖喱均勻包裹食材，正！🥓◖路邊炭火蒜炒牛肉生菜包◗ $118佢有牛肉同豬腩肉可以揀，今次揀咗蒜炒牛肉～牛肉偏乾身，食落有少少蜜味甜甜地咁，佢仲有個泰式酸辣醬汁可以點，醬汁香茅味比較重
平日晚市入座，都好多食客座無虛席，嚟之前記得book定位！見到佢啲菜式樣樣都咁吸引，而且係平時泰國菜館比較少見嘅組合，全部都好想試，真係要分幾次嚟！
------------------------------
🦀◖藍蝶花蟹肉菠蘿炒飯◗ $138
炒飯加入咗蝶豆花，望落嗰種藍色好靚，食落味道冇太大特別，但係蝶豆花有好多豐富嘅花青素，可以幫助抗氧化！炒飯上面有好多蟹肉，夾雜住粒粒提子乾，撈埋佢啲炭香肉鬆，都幾惹味！佢仲有燒菠蘿伴碟🍍，炙燒過嘅菠蘿外層乾身裏面仍然多汁，帶啲炭燒嘅香味，酸酸地幾開胃！
🐓◖馬薩拉奶油咖喱雞◗ $118
裏面有一大塊雞扒嘅份量，另外仲有茄子🍆、薯仔🥔同埋蓮藕。馬薩拉咖喱加入咗少少奶油，可以中和少少咖喱嘅辣味，但味道仍然會偏辣少少，咖喱均勻包裹食材，正！
🥓◖路邊炭火蒜炒牛肉生菜包◗ $118
佢有牛肉同豬腩肉可以揀，今次揀咗蒜炒牛肉～牛肉偏乾身，食落有少少蜜味甜甜地咁，佢仲有個泰式酸辣醬汁可以點，醬汁香茅味比較重，感覺同個牛肉生菜包唔太夾，建議就咁包生菜食呢～
🍹◖龍鬚糖三色冰奶蓋◗ $48
呢杯嘢真係好靚好吸睛！嘢飲有椰奶做底，底部係三色冰，濃濃嘅椰香；面頭有微甜嘅龍鬚糖，有得食又有得飲，味道唔錯～
🧉◖椰皇◗ $42
椰皇好鮮甜，健康又解渴～
🌟Encore指數：8.5/10唔
張貼
