古今二 (荃灣千色匯I) (已結業)

荃灣搵食碌碌下發現咗古今二，見食評係食創意卷物，有興趣所以就gogogo🤩 上到去發現係開喺一間連鎖壽司店對面😂 面對面碰，我鍾意🤣🥢 古今卷物盛首先當然要講咗卷物先～ 卷物盛有4款共16件，固定咗3款：加州卷、鰻魚牛油果卷、費城卷。另外一款就以下3款揀1樣：煙花、火山、金龍卷。1️⃣ 加州卷係蟹柳+牛油果😍 加上蟹子、沙律醬，簡單得嚟又滋味。2️⃣ 鰻魚牛油果卷鰻魚加上牛油果十分creamy！另外食起覺得嗰鰻魚醬汁無其他壽司店嘅咁鹹👍🏻 成個配搭得好👍🏻3️⃣ 費城卷即係三文魚、芝士、牛油果嘅配搭！呢一款個芝士味好出🥰4️⃣ 煙花辣味三文魚同吞拿魚嘅配搭！吞拿魚係打成蓉放喺卷物上面～ 上面仲有啲薯片！特別得嚟味道都好唔錯！🥢 龍卷風沙律🌪份量好充足！大量嘅菜、蟹柳同埋中華沙律～ 個沙律汁係有好輕微嘅、少少辣辣哋，好惹味開胃，黄色一粒粒嘅脆片，以為係粟米片，但原來係薯片碎，增加咗沙律嘅口感，全部野配搭出嚟都幾夾架～🥢 網燒牛舌有咬口！鍾意佢跟上嘅汁，有啲麻油味，點埋食入口好香🤩🥢 黑豚荔枝卷串燒平時多數係車厘茄，呢個配荔枝好味喎！清清甜甜，配合埋黑豚嘅肉汁同油份😍 荔枝亦都令串燒食入口無咁油膩👍🏻🥢