古今二 (荃灣千色匯I) (已結業)

以前觀塘返工嘅時候，已經食過觀塘店嘅古今二，印象中性價比幾高，而且花款又多，今次見荃灣有分店，環境開揚又幾舒服，決定再入去試試。黎到古今二，最大特色一定係各款唔同嘅卷物，我好欣賞佢地會用心設計擺盤，賣相出眾，啲名又改得特別，上枱嘅時候真係會嘩一聲，打卡一流！今次我地試咗兩款卷物，「忘不了你」入面有炸脆咗嘅牛肉 ，面頭鋪上芝士、芒果同芥末醬，咬落脆卜卜，味道幾清新。「東京爆脆」係蟹柳加吞拿魚，我最欣賞佢每一件卷物都輕輕火炙過，咬落帶點焦香又脆脆地，幾特別，唔錯。「龍卷風沙律」真係好大份，入面有新鮮嘅蔬菜加上海藻、蟹柳、脆片，沙律醬汁都幾特別，有少少芥辣嘅味道，越食越開胃。「茄子燒」茄子上面鋪滿大量嘅櫻花蝦，加埋甜甜辣辣嘅醬汁，超好味！「三文魚頭湯鍋」大大個三文魚頭加上豆腐、蔬菜煮嘅湯，湯底煮到奶白色，飲落超清甜，魚肉一啲都唔腥仲好滑，份量足夠3-4人享用。以前觀塘返工嘅時候，已經食過觀塘店嘅古今二，印象中性價比幾高，而且花款又多，今次見荃灣有分店，環境開揚又幾舒服，決定再入去試試。