友利冰室 x 勿當奴 (中海日升中心) (已結業)

今日試左一直都想試 係公司附近既觀塘新開人氣創意冰室 叫友利冰室 x 勿當奴 黎到係先排隊比錢叫餐 後搵位坐 lunch hour 黎講都幾多人 我地都排左大約10分鐘先入到餐廳坐低滑蛋叉燒飯呢個飯係熱門推介之一 餐廳用左日本雞蛋同美國穀飼既叉燒 蛋真係超級滑 配左蔥花底 而叉燒唔會太肥同太瘦 份量亦唔小 撈埋炒蛋+鼓油 真係勁好送飯 正呀飲品要另外加$8 而今次飲品就試左佢地既樽仔奶茶 係佢地自家製既飲品 奶味重 茶味濃 但唔會太苦 味道岩岩好 推介