友利冰室 x 勿當奴 (中海日升中心) (已結業)

之後係兩間已經執晒既黃店一間係友利冰室x勿當奴一開始L佛大讚果時都已經想食係好耐之後有晚收工就去左觀塘日升中心到食牆身都係好多壁畫既觀塘工業區都係lunch人流多去到夜晚就無乜人果時仲有口罩令檯面有酒精同紙巾餐具水果d出而自助拎係門口比錢落單之後佢就會送過黎我地兩個人叫左三樣野兩舊水左右無加一都算係正常價叫得勿當奴第一樣就試下個漢堡包巨無罅有跟薯條同汽水整體做得都幾似同埋都有幾年無食過呢個包真係幾懷念意粉就係卡邦尼上面有三塊乳豬友利冰室好似係做開燒味既呢個配搭幾特別雖然唔算好夾但至少係吸引到我叫黎食既最後就緊係焗豬最後先上面頭就好好好重芝士有瘋狂拉絲個名寫住鮮茄入面真係好多蕃茄但個味都係好好好淡食落係唔惹味既豬扒就少薄啦整體幾個餐就真係唔算係好食既類別不過佢選擇真係幾多下偶爾行過唔洗排都可以一戰既不過已經全線結業就唔會再試到了

今日試左一直都想試 係公司附近既觀塘新開人氣創意冰室 叫友利冰室 x 勿當奴 黎到係先排隊比錢叫餐 後搵位坐 lunch hour 黎講都幾多人 我地都排左大約10分鐘先入到餐廳坐低滑蛋叉燒飯呢個飯係熱門推介之一 餐廳用左日本雞蛋同美國穀飼既叉燒 蛋真係超級滑 配左蔥花底 而叉燒唔會太肥同太瘦 份量亦唔小 撈埋炒蛋+鼓油 真係勁好送飯 正呀飲品要另外加$8 而今次飲品就試左佢地既樽仔奶茶 係佢地自家製既飲品 奶味重 茶味濃 但唔會太苦 味道岩岩好 推介

食過友利冰室嘅其他分店，都覺幾好食但觀塘呢間真係麻麻加上唔知點解夜晚冇勿當奴餐本身想食漢堡餐，最後叫左二人餐威靈頓牛柳同乳豬卡邦尼首先我係太子分店係有食過以上兩樣嘢的但係觀塘店再食硬係覺得冇咁好味個牛入面好生同好難咬乳豬啲肉少到好似得皮…而且衛生都比其他分店差…(去過太子同荔枝角分店)已經成日有烏蠅飛嚟飛去幾乎每次去/經過都見到有咁食肆有烏蠅都理解嘅但咁頻密有啲過分但今次最過分係居然有曱甴仲要上埋枱….食食下突然見到有隻曱甴係枱到爬緊上一張我用完嘅紙巾….太核突冇影低，勸想食呢間嘅人食其他分店….同埋希望此分店重視一下衛生情況

朋友話帶我去一間好好食的燒味店，仲話間店的燒味自家製作添。去到原來係友利冰室 x 勿當奴。餐廳分開左右兩邊，而收銀就係正中間，快餐店嚟講都真係好舒適乾淨。當日成2點半去先到，唔多人，坐位任你擇。迷你叉燒煎日本蛋飯 - 叉燒半肥瘦肉相當腍，自家製醬汁帶點香甜味的，加埋太陽煎雙蛋，蛋汁撈飯啱哂，簡單好味。富士蘋果伯爵茶 - 清甜中帶點淡淡的茶香味，飲唔晒仲可以帶走，好方便！    

晚飯時間唔想煮，又係觀塘覓食，今次來到駿業街嘅日升中心地下的友利冰室x勿當奴。出發前已經有晒目標想試食佢地嘅 「勿當奴」系列，朋友稱佢地嘅脆弱雞腿包為「叫佢複制無叫佢超越」，可惜去到先知最近改左晚市不供應「勿當奴」系列，事緣係樓上開左大集團，銷量差左所以cut晚市。講返餐廳，位置上唔算遠，由apm 落巧明街行多5分鐘就到，唔洗搭lift 就喺地下果層行到最入。環境值得一讚，牆上的彩色壁畫好靚！裝潢主調係木色加白色感覺好cosy，地方亦都寬敞坐得舒服 (無影到相...)食唔到脆弱雞，叫左豉油無骨雞飯 配 油菜 配 熱咖啡 ($89)，油雞好滑，咸度適中，雞、飯和菜嘅份量都好足 (我最後食唔晒個飯 so sorry)。飲品係自助，有部機出即磨咖啡，味道可以。另外要讚當晚企前台嘅收銀同送餐位哥哥都好有禮貌。總結：好食嘅但又未到驚豔，下次揀返佢餐廳推介可能先會有驚喜，遲啲會試「勿當奴」。

因為喺附近返工就俾同事帶咗話食「勿當奴」，起初仲以為係M記，但係又話唔係喎，我都唔信，點知睇咗餐牌真係勿當奴😂 淨係見到個名都覺得搞笑，再見到餐牌嘅漢堡包名，真係幾有創意。日式咖喱吉列牛柳蛋包飯🐮首先價錢超抵，份量極大到兩個女仔share都得，有吉列牛柳，再加賣相靚嘅蛋包飯，竟然只係$68⁉️ 真係抵到爛！而味道上都不錯 蘋果伯爵茶 樽仔奶茶🥤呢兩支自家製飲品都好味！蘋果伯爵茶幾清新，每次我都係飲呢一支奶茶就奶味重，啱晒我最鍾意多奶嘅人🤭

服務差，特別個位爆炸頭髮服務員，問佢請問水杯放那裡 ，服務員就超大聲超兇惡話水杯咪係隔離你盲架，當時全場人都望住，服務員我知幸苦，但唔需要自己做得攰就搵我發脾氣。我都係第一次來食，如果我清楚你地餐廳架部，我就做服務員。所以大家唔好問服務員野，除時找你發脾氣。

用餐日期: 27 Dec2022感受: 十分失望😮‍💨是日為連假最後一日，因為懶，以及屋企個廚房應付唔到十人份晚餐，所以叫左貴店六人餐到會。落單註明七點送，覆單時貴店都冇提出異議。直到當日下午四點，收到貴店打嚟問五點幾送是否可以。本人回覆由於三點幾先食完下午茶，五點半大家真係食唔到，所以都係照七點送，早少少例如六半都可接受。點知五點半就送咗上嚟。。。。仲話有保溫。。。點食？我晚餐仲有两道菜係自家製，要時間焗，焗得嚟六半，再開餐，友利啲嘢食凍晒。喺我投訴之後貴店有回覆因有客人改單改地址引致混亂(ps我落單後冇改過任何野)，貴店電話中有表示唔好意思。。。。唉，十零度底下宴請親朋食凍豬扒冷意粉都幾冇面，食到勁冇胃口，份量係好足，但淨左大半。。。當我黑仔。總結:如果係熱食味道應該ok, 但經過今次要我再幚襯佢到會就不了。如果仲考慮緊叫唔叫佢到會嘅，繁忙日子時段都可免則免了。

想讚好耐，一直未有時間寫，一路都有幫襯嘅一間店，最近見佢出左個到會，預時就試下佢，估唔到送到嚟乜都唔洗整，仲要pack好哂好整齊咁，一整返熱就食得🤤我地叫左個雞煲同羊腩煲仲有燒豬仔，雞煲夠哂濃，羊腩煲一啲都唔羶，本人係唔食羊腩嘅，但會食佢啲枝竹同馬蹄，啲份量有多無少，最後緊係要食捚佢最出色嘅燒味，乳豬仔一切已經脆到不得了，老闆仲激細心放哂醬料係裡面不過實在食唔晒，第二日我用氣炸鍋整返啲乳豬都仲依然脆卜卜啖啖肉

幾次經過友利冰室都被佢地獨特嘅壁畫吸引，最近發現原來觀塘都有分店，所以走入去嚐吓鮮。二人餐會跟兩款飲品。港式奶茶非常好飲，有茶香，口感純滑，唔會死甜。伯爵檸茶就偏甜唔酸。天氣開始轉涼，所以加多個中湯-花膠螺頭，好足料，除咗花膠螺頭，仲有瘦肉同雞肉。個湯唔會好油，好清好好飲。賣晒乳豬卡邦尼，所以試明太子蟹柳意粉。明太子味唔算好出，不過個汁好creamy，連埋較清爽嘅蟹柳同露旬，好夾扁意粉。薯蓉青口芝士薯蓉好香好滑，中間仲有好多薯仔粒，口感好特別，仲好飽肚。美中不足係青口殻好易碎，畢薯蓉食個陣要小心，有啲唔方便。黑松露帶子西蘭花，無論帶子定西蘭花都好大份，黑松露味道好濃，個人覺得配口味較淡嘅西蘭花會冇咁寡。帶子幾新鮮。威靈頓牛排牛味重且生熟度剛好，酥皮幾重鴨蛋香，加上偏甜嘅醬汁，幾有驚喜。總結呢餐都幾物有所值，感覺到每道菜都好用心製作，而且員工非常友善，好推薦鍾意fusion菜嘅朋友試吓。

公司附近有開咗間新餐廳，一於試一試佢啦。呢間位於海濱匯2樓既餐廳，Menu 十分特別，有齊中西日識嘅款式，而且都做得幾唔錯💕🌟滑蛋叉燒飯🌟滑蛋真係好夠滑，半熟程度岩岩好，而叉燒亦都好林幾好食，我最憎就係食到硬邊果隻叉燒🌟黑松露意粉🌟超級香，似有啲水準既西式餐廳，會令我最想回頭試既味道👍🏻👍🏻👍🏻👍🏻👍🏻🌟日式咖喱豬豚肉蛋包飯🌟佢啲滑蛋真係做得唔錯，咖喱汁偏甜幾好食👍🏻嘢飲要另外加錢，如果跟餐餸飲品就Perfect啦😊

是日星期五，冇帶飯叫外賣，10分鐘左右好快有得拎。🆗燒日本帶子黑松露炒意粉 雖然我比預定時間遲左15分鐘先落去拎，但拎到上黎都仲熱，一打開盒，見到帶子得一粒，有D失望，但粒帶子係好食嘅，都煎得幾香，上面仲有黑松露醬。意粉都OK，是扁意粉，份量足夠，軟硬度剛好，個黑松露汁都OK，睇都出都多黑松露醬，但未算好CREAMY，比較稀。意粉有D菇粒係入面，但D菇比較硬，仲有2粒車厘茄同D菜苗點綴下，個樣算係甘。

友利冰室食過幾次，不過都係食常餐多，今日可能晏左去好多款都無唒😩本身想試荷葉飯點知想食既兩款都無唒，常餐同蛋包飯又無唒，真係要咩無咩so sad😫最後職員話得返意粉仲有，我就簡左乳豬卡邦尼😉.乳豬卡邦尼 $68意粉上面有三塊乳豬，乳豬皮脆肉厚，唔錯！意粉creamy配料有煙肉粒，洋蔥粒同蘑菇片，如果無洋蔥就更好😂唔好以為睇落好似好細份會唔夠飽，其實食完都有啲濟，整體係好食既，不過乳豬同卡邦尼就唔夾😂😂😂*可以加8蚊加野飲

本來都頗為期待呢間餐廳嘅野食,所以同朋友食生日飯都揀呢間,不過呢,沒有期望就不會失望,菜式係幾創新得意,但味道就真係麻麻。威靈頓三文魚完全唔match,分開食會好味啲;乳豬卡邦尼意粉係幾特別,不過乳豬份量真係少得可憐,皮唔脆又無肉;然後黑松露帶子炒西蘭花味道一般都算,個賣相就真係.....有圖有真相,呢間試過就算。

一直都想試呢間係觀塘新開既人氣創意冰室，襯今日打風冇咩人就去朝聖。 以下係不專業食評😋：🐽豬柳強餐 💰42 📝7.5/10聽個個餐名已經覺得好盞鬼😆雖然食落去同m記味道差不多，但中間塊豬柳厚實唔太乾。典型茶餐廳粗身波浪型薯條外脆內軟。🍚美國穀飼叉燒煎蛋飯💰58 📝8/10呢個餐係熱門推介之一，用料上盛，係日本雞蛋同美國穀飼既叉燒，性價比好高，而且半肥瘦叉燒加埋自家製肉汁，真係好易送飯🤤🍛日式咖哩吉列豚肉蛋包飯 💰68📝8/10呢係餐賣相係令我印象最深刻，旋風滑蛋好似玫瑰花包住飯，豚肉炸到外脆，內面啖啖肉汁，加埋咖喱，味道簡直一流😆