丸十日本食堂 (已結業)

呢間食堂有日本大飯堂嘅概念、地方空間好大、坐位寬闊。講得出嘅日本定食呢度都有：鐵板燒、壽喜燒、丼飯、壽司刺身、串燒飯漢堡，甚至日本芭菲都有。如果想氣氛好啲可以坐吧枱，望住師傅製作！雖然丸十係精米專門店，但丼飯就真係唔夠元朗獨立國嘅小餐廳整得咁好喇。飯粒冇粒粒分明，醬汁唔夠，味道又唔濃，牛舌又燒得唔夠甘香，真係要彈。雞肉串燒冇咩特別，勝在對得住個價錢，$108/5串。最好食應該就係呢個鰻魚玉子燒，玉子燒真係唔係間間整得好食，有啲過硬有啲又整得太乾，呢間就叫啱啱好！總結：要食好味嘅日本菜除咗飛去日本食之外，一係就係要畀得起多啲錢去啲高級啲嘅日本餐廳，一睇就真係要入元朗獨立國！完。我