影片
更多
2016-07-21
799 瀏覽
一講法國菜，首先一定係諗起fine dining同好貴。雖然有啲crepe house價錢相宜，但講法國菜三個字嘅時候，又未必會諗起佢地。黎到觀塘一間價錢比較上無咁貴，睇落又似模似樣嘅法國餐廳。環境有情調，帶男女朋友黎食就啱晒。未開始點餐就已經黎左個麵包籃。成日都覺得麵包籃係好重要，好多時佢係最好食...... (笑)叫左兩個set dinner，首先係前菜，要左個鵝肝焦糖燉蛋 foie gras crème brûlée。呢個前菜相當出色。滑溜的鵝肝燉蛋經過燒炙後，灑上一粒粒富鹹香嘅櫻花籽，帶出鵝肝獨特鮮味！食法有幾種，可以將鵝肝塗抹喺麵包上，或者同raspberry sauce一齊食。單獨品嚐都得。第二個前菜係法式田螺配薯茸 large bourgogne snail🐌 | 黑松露同薯茸味道好夾，而且入口順滑綿密。配上帶有些微韌性嘅田螺，令口感層次更為豐富。主菜方面，叫左份m6級和牛肉眼扒。牛肉香味濃郁，遺憾嘅係有些微over-cooked，做唔到入口即融嘅口感。另一主菜係波士頓龍蝦扁意粉配龍蝦汁。龍蝦鮮味十足，肉質彈牙，意粉亦無過稔嘅問題，保持爽口。但係始終都覺得呢間餐廳嘅前菜比
黎到觀塘一間價錢比較上無咁貴，睇落又似模似樣嘅法國餐廳。環境有情調，帶男女朋友黎食就啱晒。
未開始點餐就已經黎左個麵包籃。成日都覺得麵包籃係好重要，好多時佢係最好食...... (笑)
叫左兩個set dinner，首先係前菜，要左個鵝肝焦糖燉蛋 foie gras crème brûlée。呢個前菜相當出色。滑溜的鵝肝燉蛋經過燒炙後，灑上一粒粒富鹹香嘅櫻花籽，帶出鵝肝獨特鮮味！
食法有幾種，可以將鵝肝塗抹喺麵包上，或者同raspberry sauce一齊食。單獨品嚐都得。
第二個前菜係法式田螺配薯茸 large bourgogne snail🐌 | 黑松露同薯茸味道好夾，而且入口順滑綿密。配上帶有些微韌性嘅田螺，令口感層次更為豐富。
主菜方面，叫左份m6級和牛肉眼扒。牛肉香味濃郁，遺憾嘅係有些微over-cooked，做唔到入口即融嘅口感。
另一主菜係波士頓龍蝦扁意粉配龍蝦汁。龍蝦鮮味十足，肉質彈牙，意粉亦無過稔嘅問題，保持爽口。
但係始終都覺得呢間餐廳嘅前菜比主菜出色，希望下一次食會更加有驚喜！張貼
