火鍋先生 (已結業)

又係時候同一班朋友聚一聚，有朋友想打邊爐，又有朋友想食刺身類，所以我哋揀咗是喺尖沙咀厚福街H8，朋友話啲刺身生蠔幾好食，仲有打邊爐。對於我哋來講，其實打邊爐最緊要，係牛肉好味，咁呢間M.R. Hot pot 都做到牛肉都夠好味。就唔使特別介紹。朋友今次真係好介紹，生蠔刺身，好新鮮，左口魚象拔蚌刺身，正到我哋encore，再在叫原隻象拔蚌刺身😋生蠔$18 ⼀隻比起一般蠔Bar抵食好多，質量又唔差，夠晒新鮮，夠大隻，仲有淡淡的海水味，加少少檸檬已經好fresh , 唔使再加Cocktail汁。左口魚象拔蚌刺身原本諗住左口魚刺身，淨係喺日本餐廳先好食，呢間餐廳冇令我失望，左口魚油分夠，入口即溶。原隻象拔蚌刺身原隻象拔蚌，我哋可以試晒象拔蚌唔同嘅位置。爽脆，鮮甜，唔鍾意食刺身嘅朋友，仲可以灼一灼，又有另一番風味。