影片
更多
2020-02-27
88 瀏覽
第二次黎漁獲浜燒了，令我開心嘅係無論服務定係食物質素，都依然令人滿意事隔一年，我仍然認得上次為我地燒海鮮嘅胖哥哥，佢依然超級好禮貌，態度非常謙卑地為各位介紹菜單嘅食物，佢係我遇過數一數二好服務嘅服務員，好開心事隔一年後可以再見到佢喺佢推薦下，今次決定試d上次未試過嘅食物先黎個沖繩風沙律：魚生好多，海葡萄鹹香帶脆，咬落去爆開真係好治愈😂裡面帶有苦瓜哦，我本身超級喜歡食苦瓜，所以啱曬我，我覺得好清新伊佐木刺身：唔係服務員介紹，我都唔知有呢種魚，原黎算係貴價魚哦，外表白裡透紅，肉質紮實彈牙且滑身，味道清爽。我覺得呢種魚刺身沾酸汁真係一流，酸爽加上酸汁入面嘅薑香，真係好夾，層次好豐富，比沾芥末更勝一籌烤鱈魚乾：香脆，啱送酒酒嗰度服務員推薦呢款“月之玉響”，微辛甘甜，聞落帶有芳香，配魚生、小食幾夾之後就到我好中意嘅甲羅燒了，師傅手勢純熟，好快就有得食，蟹膏味相當濃鬱，配鬆脆嘅多士，香味再上一層，蟹膏分量都唔少，感覺配多幾塊多士都得😂頭先嘅伊佐木魚骨，師傅建議我地試試攞去蘇炸。調味好似鹽酥雞咁，咸香味突出，不過魚骨本身偏硬，就算炸後都未至於全條骨都可以入口，所以進食時候要加倍小心，下次或許可以試試
事隔一年，我仍然認得上次為我地燒海鮮嘅胖哥哥，佢依然超級好禮貌，態度非常謙卑地為各位介紹菜單嘅食物，佢係我遇過數一數二好服務嘅服務員，好開心事隔一年後可以再見到佢
喺佢推薦下，今次決定試d上次未試過嘅食物
先黎個沖繩風沙律：魚生好多，海葡萄鹹香帶脆，咬落去爆開真係好治愈😂裡面帶有苦瓜哦，我本身超級喜歡食苦瓜，所以啱曬我，我覺得好清新
伊佐木刺身：唔係服務員介紹，我都唔知有呢種魚，原黎算係貴價魚哦，外表白裡透紅，肉質紮實彈牙且滑身，味道清爽。我覺得呢種魚刺身沾酸汁真係一流，酸爽加上酸汁入面嘅薑香，真係好夾，層次好豐富，比沾芥末更勝一籌
烤鱈魚乾：香脆，啱送酒
酒嗰度服務員推薦呢款“月之玉響”，微辛甘甜，聞落帶有芳香，配魚生、小食幾夾
之後就到我好中意嘅甲羅燒了，師傅手勢純熟，好快就有得食，蟹膏味相當濃鬱，配鬆脆嘅多士，香味再上一層，蟹膏分量都唔少，感覺配多幾塊多士都得😂
頭先嘅伊佐木魚骨，師傅建議我地試試攞去蘇炸。調味好似鹽酥雞咁，咸香味突出，不過魚骨本身偏硬，就算炸後都未至於全條骨都可以入口，所以進食時候要加倍小心，下次或許可以試試攞去煮湯
黎食浜燒，貝類係唔可以唔試嘅，我地今次點咗鮑魚、帆立貝，加款鱈場蟹腳。
鮑魚相當新鮮！擺上台嘅時候，兩隻都係不斷在抖動😂搞到我地忍唔住拍片打卡。鮑魚燒得啱啱好，彈牙但不韌，唔洗乜野調味，簡單一燒，已經足夠，因為鮮味先係最重要，怕唔夠味嘅可以沾佢附上嘅醬料，我個人喜歡柚子鹽（應該係？）有好濃嘅果皮香，襯鮑魚一流。
帆立貝可以選擇清酒或者牛油燒法，我選擇清酒，朋友選擇了牛油。我兩樣都試咗味，我依然覺得清酒最夾，因為咁樣可以突出食材本身嘅鮮味，連汁都可以飲埋，真係好鮮甜！而牛油燒法就以濃香為主，好重調味嘅感覺，比較適合鍾意食濃味嘅朋友
蟹腳啖啖肉，鮮得黎帶點燒烤嘅焦香
芝士年糕爆漿wo！咸中帶甜，熱辣辣，相當有趣
最後就食咗經典嘅柚子雪粑，柚子味超突出哦，酸咪咪嘅感覺，解膩一流！
張貼
