大瀛喜日本料理 (已結業)

今日放工查銀行戶口，我啲傭金終於出咗啦！ ！決定食下放題奬勵下自己先！黎到旺角就試吓呢個有韓酒飲既放題！未入去已經好肚餓。一坐低就即刻叫咗我最鍾意嘅刺身黎食。 一個字，正！刺身嘅裝飾仲有個有瀛字既冰架😍😍啲刺身真係好新鮮仲有好多款揀添。鍾意食鮑魚同三文魚嘅我，係咁喪叫黎食。加埋一罐韓式啤酒，簡直就係我嘅生活態度啊！ 食完刺身梗係食羊鞍啦！個羊安有好濃郁既孜然味，好正！不過本人比較鍾意冇咁騷味既羊肉。 其實食完呢轉已經飽飽地，突然間發覺自己唔再後生啦。想叫啲特別野你食，咁岩比我見到餐單寫住榴槤炸彈，幾得意😂😂😂 估唔到呢個榴槤炸彈先係今日嘅主角！ ！咬落去啲榴槤汁爆曬出嚟真係好香好濃味。原本仲以為榴蓮味一定好假，點知真係好好食。之後我一個人叫左六個榴槤炸彈，食到成口都有陣榴蓮味，好正呀！今餐真係好正，好耐冇食放題食到咁開心！下個月再儲錢再黎食過！😂😂😂😂