影片
更多
2017-11-30
1659 瀏覽
今日Monkeyssss 又出嚟食飯，我地選左去銅鑼灣打邊邊，又係上次同朋友食烤魚既京都廣場。 打邊邊湯底都幾重要嫁！佢依度有成十幾款湯底，由$98至$438都有！ 平啲既選擇有芫茜皮蛋豆腐湯，養顏牛乳湯胡椒白果豬肚煲等，中價啲有天麻白芷魚頭鍋，花甲海蝦魚湯鍋，花膠響螺燉豬展等。另外仲有漁火花膠雞湯翅，真係未用過翅打邊爐，我地就無咁豪，情願留返啲錢食刺身！由於有一隻monkey唔食辣，佢自己選左自家鮮魚清湯鍋，個鍋有少少鮮甜而且很濃, 啲配料同依個湯底食，加添不少味道。我就加左$20同另一monkey 食正宗麻辣鍋， 這鍋好多料，大大少少既香料同豬血，唔會太辣食唔到～所以響靚靚9味架上都拎左唔少新鮮辣椒自行加辣！ 見到Openrice 好多人點小食，睇佢menu 真係幾吸引，椒鹽海中蝦，椒鹽炸大腸，脆炸蝦餅等，我點左脆炸午餐肉，外面好脆裏面既綿且實，但又唔會好乾身。 鮮打墨魚滑($88)，墨魚起曬膠，食到一粒粒墨魚粒，有雙重口感。見到自家帶子餃同雲吞王都有手指公響旁邊覺得應該有保證($78+10)， 雲吞隻蝦夠大又爽，調味又啱，帶子餃就係店主將帶子切成粒
打邊邊湯底都幾重要嫁！佢依度有成十幾款湯底，由$98至$438都有！ 平啲既選擇有芫茜皮蛋豆腐湯，養顏牛乳湯胡椒白果豬肚煲等，中價啲有天麻白芷魚頭鍋，花甲海蝦魚湯鍋，花膠響螺燉豬展等。另外仲有漁火花膠雞湯翅，真係未用過翅打邊爐，我地就無咁豪，情願留返啲錢食刺身！由於有一隻monkey唔食辣，佢自己選左自家鮮魚清湯鍋，個鍋有少少鮮甜而且很濃, 啲配料同依個湯底食，加添不少味道。我就加左$20同另一monkey 食正宗麻辣鍋， 這鍋好多料，大大少少既香料同豬血，唔會太辣食唔到～所以響靚靚9味架上都拎左唔少新鮮辣椒自行加辣！
見到Openrice 好多人點小食，睇佢menu 真係幾吸引，椒鹽海中蝦，椒鹽炸大腸，脆炸蝦餅等，我點左脆炸午餐肉，外面好脆裏面既綿且實，但又唔會好乾身。
鮮打墨魚滑($88)，墨魚起曬膠，食到一粒粒墨魚粒，有雙重口感。見到自家帶子餃同雲吞王都有手指公響旁邊覺得應該有保證($78+10)， 雲吞隻蝦夠大又爽，調味又啱，帶子餃就係店主將帶子切成粒混合豬肉，增添口感。
手切本地鮮牛頸脊 $248 牛肉切得幾薄，唔會好膩！想讚既係牛唔會好肥但都很有手肉既香味，同麻辣鍋湯底食簡直一流！
龍蝦刺身 龍蝦肉顏色雪白， 切得幾薄，又爽，又新鮮，好耐無食過，依家唔洗叫咁大隻唔洗咁貴，啱曬我地想過吓口癮又唔想食咁貴既我地！
油甘魚刺身 $78
綜合來講，我覺得食材非常新鮮，魚件，牛肉刺身，樣樣都好，魚湯同麻辣湯底各有各特色，辣唔辣都食得happy, 有梳化卡位坐，坐得夠矖舒服，傾得暢快～
張貼
