漢發麵家 (大南街)

關於內臟，我唔抗拒但平常好少會想食，今日老公講起話有間豬潤麵好出名，咁就即管試下有咩特別啦。

位置唔算方便，3點半去到要等位，大概10分鐘後可以入座，雖然店面唔大但唔算坐得好逼，店員仲好好人咁拉多張椅俾我放低個超重背囊，加分!

我地嗌左2個豬潤一丁再加份豬扒，豬潤份量好多，舊舊都厚身大塊，食落爽口彈牙，一d都唔粉，刷新我對豬潤既印象，湯底唔咸，麵亦煮得剛剛好。

豬扒係另上，唔怕會浸到淋哂，個人覺得可以再整燶少少，會再香口d，不過依家都唔差，肥瘦適中，調味足夠，都食得過。