芝加哥串燒酒場

遊客必到嘅蘭桂坊，唔單只係嚟品酒談心，其實仲到好多隱世美食，呢間酒吧餐廳座位有室外和室內，室內可以嘆冷氣，我就更喜愛室外，聽住音樂，燈光效果下，感覺更有風味！呢度嘅串燒款式都幾多，掃QR code落單，黑糖雞脾肉串、牛油半熟帶子、招牌茄子燒、浦燒雞脾菇、燒冬菇、原隻魷魚串、燒魚肉燒賣、和牛牛舌五光十色嘅射燈，影照著食物，顯得份外有趣、款款即叫即燒，很新鮮。有幾款特別回味～黑糖雞脾肉醬汁黏稠，雞脾肉均勻地裹著黑糖醬汁，口感嫩滑多汁，又入味，甜甜地，帶有微焦焦糖味道！牛油半熟帶子帶子半熟狀態，外表呈金黃色，口感嫩滑，入口有牛油香，同本身嘅鮮甜味好夾！招牌茄子燒調味料有醬油、大蒜和蔥，增添風味，茄子口感柔軟又juicy，夠哂熱辣辣，令人驚喜😍