一遊

營業中

休息中

一踏入餐廳感受到日本京都時代的氣息，懷舊得來又帶點摩登，給人一種清新淡雅的感覺。首先，我地叫左飲品，陳年柑桔蜜，玄米茶，巨峰梳打同梅子燒酌，玄米茶係一整壺上，滿佈玄米香氣。天氣轉涼，炸豆腐配上微溫的鰹魚汁及柴魚片，一冷一熱仿佛能感受豆腐在口中躍動。真鯛是白身魚的代表魚種，魚肉的口感柔中有韌，脂質含量適中，非常鮮美。軟腳蟹脆卜卜，又酥香，配乜野都一樣咁好食，配埋牛油果、青瓜、蟹柳同沙律，健康之選!東洋卷係另一樣必點菜式，用pancake皮包住滿滿既蟹籽 鰻魚同牛油果，店員特別提我地一定要一啖食到所有嘢， 用上香甜嘅pancake皮包味道出奇嘅夾 蟹籽帶出口感 牛油果同鰻魚俾人一種好肥美嘅感覺，好好食!壽司十貫上碟擺盤好靚，見到食慾大增，魚生新鮮，拖羅、牡丹蝦、呑拿魚、三文魚籽、海膽、火炙金目鯛，用料上盛!串燒系列亦同樣出色，最特別係燒活鰻魚，啖啖肉又香甜嘅鰻魚滋味無窮!牛舌同車厘茄口感十足!