黑木亭居酒屋 (金馬倫道)

朋友話尖沙咀開左一間居酒屋🏮話個到好似去左日本旅行咁，於是我地就去感受下個氣氛～ 大家都太耐無去旅行好掛住旅行的日子～我地由地下個層已經開始打卡啦～ 朋友好中意地下既海報真係好似去左日本街景咁！樓梯轉角位有幾個小燈箱好似係琳琅滿目餐廳既街道上～轉一轉角望上樓梯到有日本紙傘，同埋好似日本廟既燈籠🏮，超級靚呀～ 我地就坐之後仲有超靚既櫻花樹可以打卡～ 餐廳座位座位之間好寬闊，台子設計加長左，感覺唔會好似其他餐廳咁貼住牆坐我哋叫咗個芝士鰻魚三重奏，五點刺身盛，磯燒鮑魚，燒雞腎串，鴛鴦翠玉瓜，冰燒菠蘿🍍芝士鰻魚三重奏就係鰻魚芝士蟹籽卷啦～ 鰻魚好香好滑～ 經過火炙既芝士更香濃！勁埋飯卷一齊食既口感好豐富！五點刺身盛有5款刺身，包括三文魚，牡丹蝦，鮮帶子～ 仲有2款魚都超級鮮味，完全無筋，口感新鮮高質！冰燒菠蘿我會形容係冰鎮焦糖燒菠蘿～ 好好味呀😍磯燒鮑魚上碟時切好埋～ 切既刀功好好，好平均，口感食落好香同好入味，仲配埋入味蘿蔔一齊食😋燒雞腎串真係超級超級超級香口好味，係我食過最好味最爽口同香既雞腎串！一定要叫！鴛鴦翠玉瓜都好特別，明太子翠玉瓜既組合好新鮮，令明太子好出味，芝士配翠玉瓜都好好味🥰