肉搏食堂 (已結業)

平時食牛肉丼都係去開連鎖店，今次經過尖沙咀見到呢間肉搏食堂，見到啲相啲牛肉紅卜卜，有別於平時食嗰啲，原來係慢煮牛肉，膽粗粗入去試一試！叫左個慢煮頂級牛肉盛丼150g，男朋友就叫左海膽牡丹蝦雜錦刺身丼。牛肉切得薄身，再配上燒汁同埋cream，面頭再打隻日本生雞蛋，送飯一流。刺身雜錦丼款式好多，有三文魚、三文魚籽、油甘魚、吞拿魚、帶子、海膽、牡丹蝦，$148呢個價錢非常抵食。不過我就覺得唔加日本生雞蛋會好啲！另外叫咗兩杯嘢飲，兩杯嘢飲都好吸睛，色彩繽紛，打卡一流！紫薯鮮奶，真係有一粒粒紫薯㗎。朱古力曲奇沙冰，超冰涼，啱晒夏天飲！