一喜日本料理

營業中

休息中

放假同老公搵食，隨意走到一間樓上店，估唔到環境咁好，別有洞天。店內洋溢一種溫馨的居酒屋感覺，而且店員親切有禮貌。店主會將當日的飛機貨逐一介紹，比食客選擇。淺嘗了一下活赤背，味道鮮甜，質感爽口。賣相亦甚有誠意，生磨的Wasabi係唔錯的點綴。海膽軍艦都幾高質，海膽滿滿的，而且鮮甜無腥味。紫菜就脆脆的，新鮮即製。左口魚邊壽司經輕炙後，魚油被逼出來，好Rich。老公提議點D熟食，隨意點左幾款串燒，最鍾意係厚燒牛舌，有咬口又惹味。燒鰻魚甜甜地，好美味。而且即燒的鰻魚，比起鰻魚飯的質地脆身少少，別有一番風味。燒蠔亦都好大隻，好夠誠意。主菜揀咗我最喜愛的壽喜燒，熱辣辣，湯底夠濃又夠甜，好味到停唔到口。