A-1 Bakery & Châteraisé (已結業) 查看

由於lunch輕食關係，所以就買定啲麵包做下午茶。我又心多多，想試多幾隻味道，所以就揀咗迷你麵包系列，最後揀咗4款唔同味道。芝士麻糬波波夠煙韌，好有咬口，但芝士味唔夠香，麻糬波波又甜甜哋，同我預期嘅咸香芝士球有出入。迷你忌廉芝士蛋糕雖然無咩芝士味，但幾鬆軟，ok。迷你紅莓蛋糕啲紅莓乾幾好味，甜甜哋又唔會好乾，但蛋糕質地好嚡好乾，影響口感。迷你牛角酥夠脆身，但焗得硬咗少少，變咗唔夠鬆化，但食完手指唔會好油，不過不失。