麦玉子 (已結業)

我一直好鍾意係觀塘一田搵食，因為好多野都可以買黎食，開大食會咁！見到麥玉子當然係出名食玉子啦，所以叫咗一客玉子試下。大約等咗3個字左右，可能係未踏入晚市時間所以等候時間可以接受。見到玉子都係熱辣辣即叫即做，所以幾吸引。＄59 明太子玉子中間餡料係明太子而且明太子都唔會好少，咬第一啖就已經覺得好咸，咸到連玉子本身既味道都食唔到。明太子實在太咸，如果可以減輕咸既程度會好好多。玉子味道甜甜地但蛋香不是太濃可能俾明太子搶哂味，大家不坊揀下其他味，真真正正感受玉子味道。除咗玉子之外，可以加＄變成套餐，有飯同炸物，咁就一定飽哂！現場麥玉子提供大約4張4人枱，但無哂位都唔緊要，因為可以坐由一田提供既座位