更多
2018-08-31
476 瀏覽
生日飯一浪接一浪，都到尾聲喇。壓軸出場的係熊妹好好友莎莉呀，好了解熊妹心的莎莉知道熊妹成日都食西餐，一定悶透了，特別揀選中式仲卜定位同熊妹慶祝，好抵錫的莎莉！《汀汀烤活魚》，明顯係食烤魚鍋喇，即係烤魚🐟打邊爐🍲。星期六夜晚，唔算太多人，無咁逼無咁嘈。莎莉其實之前同朋友黎試過喇，所以介紹熊妹食烤桂花魚鍋，$348，再加香辣酸菜，$18，因為莎莉激讚啲烤魚配酸菜超好味。🐠魚來了，都唔算好大一條，有好多好多酸菜呀，熊妹好鐘意食酸菜架，香辣辣椒醬🌶️又唔算太辣，不過都幾濃味，酸辣魚係幾特別，好少食到，莎莉介紹得唔錯。桂魚肉唔算太多，熊妹同莎莉食下食下都差唔多清哂，未夠飽，所以再點啲配菜。點少少飽肚的配料喇，揀左個自選雙拼餃🥟（8粒），$68。莎莉想食水餃，咁熊妹就揀魚皮餃喇。唔算好大粒，不過好足料，水餃入面有木耳，豬肉，係酸菜鍋煮下已經好夠味；魚皮餃餃皮煙煙韌韌，好有口感，正。餐餐要食菜的熊妹又點少得叫蔬菜呢。莎莉由得熊妹揀，熊妹揀左油麥菜（全份），$32，因為油麥菜配濃味湯汁應該好好味。全份真係好多菜喎，一個大籃裝得滿滿的🌿，而且好新鮮，棵棵翠綠色，一啲枯葉都無，好似剛剛種起咁，而且洗得好乾淨
《汀汀烤活魚》，明顯係食烤魚鍋喇，即係烤魚🐟打邊爐🍲。
星期六夜晚，唔算太多人，無咁逼無咁嘈。
莎莉其實之前同朋友黎試過喇，所以介紹熊妹食烤桂花魚鍋，$348，再加香辣酸菜，$18，因為莎莉激讚啲烤魚配酸菜超好味。
烤桂花魚鍋
$348
33 瀏覽
0 讚好
0 留言
桂魚肉唔算太多，熊妹同莎莉食下食下都差唔多清哂，未夠飽，所以再點啲配菜。
水餃併魚皮餃
$68
14 瀏覽
0 讚好
0 留言
油麥菜，響鈴
8 瀏覽
0 讚好
0 留言
打邊爐又點可以無響鈴呢？脆卜卜響鈴，$32。淥一淥三秒，索哂酸辣鍋湯汁又保住脆脆地口感，簡直係火鍋恩物呀！
跟住莎莉仲叫左野生竹笙，$48同鮮淮山，$38。滑嘟嘟白𠽌𠽌，全部都洗得好乾淨好新鮮，不過可能真係叫太多喇，最後食唔哂。咁食法唔算叫太多都要六百幾蚊呀，話平唔平架，不過有莎莉請，仲話一年一次無所謂喇，真係太疼錫熊妹喇！
張貼
