94
15
12
港鐵旺角站 E2 出口, 步行約5分鐘 繼續閱讀
電話號碼
22345639
開飯介紹
汀汀烤活魚以傳統烤全魚作招徠,活魚每天從菜街市入貨。餐廳特別請來四川師傅做顧問,精心調配又麻又辣且香的湯底。 繼續閱讀
付款方式
Visa Master 現金
座位數目
70
其他資料
Wi-Fi
深夜營業
酒精飲品
切餅費
VIP房
電話訂座
外賣服務
加一服務費
食評 (136)
等級4 2018-10-12
187 瀏覽
源於四川成都的麻辣火鍋串串,就是用竹籤把各種肉食、蔬菜串成一串一串,放入火鍋燙熟,比起一般嘅打邊爐來得更加有趣~!吃串串,鍋底的好與壞,決定了串串好不好吃, 今晚我同朋友揀咗鴛鴦鍋(招牌重慶麻辣鍋+ 花膠木瓜蟲草花雞湯鍋)招牌重慶麻辣鍋 辣度可選小、中、大辣小辣確實味道令人容易接受!又香又濃味,別忘記湯底會越滾熱辣,越吃越刺激!吃麻辣火鍋怎可以沒有鴨血,鴨血和麻辣鍋可說是最佳搭檔!口感有點像果凍,有韌性,質地軟嫩細緻~本地牛肉,包著泡椒串起,牛肉入口嫩滑,油香重牛味濃,餘韻會有泡椒的辣味,慢慢在口中滲出~這款也是店內的皇牌串串,包著芫茜串起, 芫茜係香菜嘅一種,所以有提味作用 ,令到肉味更鮮更甜~多款牛肉串串,包括芫茜牛肉、泡椒牛肉、麻辣牛肉等是必食~~另有一般火鍋配料,包括牛肉、蔬菜盤, 還有粉麵類提供,選擇甚多~!亦設有醬料區 有麻油,蒜頭,辣椒, 芫茜,蔥……晚市時段最好book位先嚟,越夜越旺場,引入國內火紅重慶麻辣川川鍋熱潮相當踴躍,相當受歡迎~!呢到$138任飲任食,我覺得比起過往吃過的串串鍋來得更加好!因為有些店舖係會計重量 或者計算簽嘅數量~~食嘢就最怕就住就住 想食幾多就幾多 真係抵到冇朋友!😂😂 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-12
108 瀏覽
今日約咗個朋友喺百寶利買嬰兒用品 搭𨋢期間有人喺5樓出𨋢 一開𨋢門 麻辣火鍋嘅味道即刻湧入嚟 好奇一望出去原來係叮叮烤活魚 同朋友買完嘢之後就決定搭返落5樓食晚餐汀汀烤活魚新張期內$138 任飲任食麻辣串串鍋湯底選擇包括 招牌重慶麻辣湯鍋 花膠木瓜蟲草花雞湯鍋 極品胡椒豬酸菜豬肚湯鍋及飄香芫茜皮蛋湯鍋選擇了鴛鴦湯底 唔需要另外收費一邊辣一邊唔辣 識揀一定係咁揀, 一般嘅肉類會選擇放喺麻辣湯嗰邊 味道比較濃 較為惹味蔬菜類就放喺白湯嗰邊 這樣蔬菜唔會吸收大量嘅油份 咁樣就可以食得健康啲啦自選配料亦有提供時令蔬菜,菇類,丸類, 吸湯名物炸響鈴,仲有我最鍾意食嘅午餐肉…… 紅薯粉,烏冬,公仔麵……一串一串嘅食物賣相非常吸引 多到不能盡錄 有:牛柏葉 牛筋腩 雞翼 土魷 雞腎 鵝腸 麻辣牛肉 香菜牛肉 尖椒牛肉 金菇肥牛…… 未食已經流曬口水除咗外面兩大個雪櫃所提供嘅嘢食之外 仲可以畫紙點選火鍋配料包括 牛梅花 牛小排 安格斯牛 脆鯇片 脆鯇骨腩 魚雲 沙白 熟海蝦 黑豚肉 羊片 魚皮餃 鴨紅$138既放題價錢 竟然包括活海鮮隻隻沙白都好大隻 灼一灼就食得隻隻肉厚肥美 一啲沙都冇 勁好食 我一個人食咗勁多隻每吋嘅份量大致係一兩舊左右 食幾多拎幾多 千祈唔好做大嘥鬼份量少少哋幾好吖 咁樣就可以食多啲唔同款式嘅食物雪櫃嘅嘢飲擺放得非常整齊 亦都非常冰凍 亦有啤酒提供 但需要另外收費仲有雪糕雪條任食 食埋杯雪糕為呢餐畫上完滿嘅句號招牌重慶麻辣湯鍋是必需要點的 湯頭非常正宗 一嘗辛麻滋味 越吃越過癮 繼續閱讀
(以上食評乃用戶個人意見 , 並不代表OpenRice之觀點。)
等級2 2018-09-23
269 瀏覽
烤魚癮起,睇完戲就急不及待去醫肚好想去食探魚,但冇計香港冇唯有去汀汀烤活魚止癮2個都唔食辣,就叫左魽魚既酸菜味套用一句某出名食酸菜魚既 slogan:酸菜比魚好吃!!!酸菜相當好食,酸得黎又唔會太刺激魚當然都好滑,又冇細骨,但相比下,酸菜win ~另叫配菜有必食既牛肉,牛肉冇理由有伏,食落冇筋爽口~蝦滑都好推介~淥熟左之後好彈牙,仲有一粒粒蝦粒,口感好好另外娃娃菜同菇拼盤就不過不失雖然價錢偏貴,性價比同探魚冇得比但一餐半餐止口痕都好唔錯既~~~食落口啖啖肉,大啖食好開心 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-31
359 瀏覽
生日飯一浪接一浪,都到尾聲喇。壓軸出場的係熊妹好好友莎莉呀,好了解熊妹心的莎莉知道熊妹成日都食西餐,一定悶透了,特別揀選中式仲卜定位同熊妹慶祝,好抵錫的莎莉!《汀汀烤活魚》,明顯係食烤魚鍋喇,即係烤魚🐟打邊爐🍲。星期六夜晚,唔算太多人,無咁逼無咁嘈。莎莉其實之前同朋友黎試過喇,所以介紹熊妹食烤桂花魚鍋,$348,再加香辣酸菜,$18,因為莎莉激讚啲烤魚配酸菜超好味。🐠魚來了,都唔算好大一條,有好多好多酸菜呀,熊妹好鐘意食酸菜架,香辣辣椒醬🌶️又唔算太辣,不過都幾濃味,酸辣魚係幾特別,好少食到,莎莉介紹得唔錯。桂魚肉唔算太多,熊妹同莎莉食下食下都差唔多清哂,未夠飽,所以再點啲配菜。點少少飽肚的配料喇,揀左個自選雙拼餃🥟(8粒),$68。莎莉想食水餃,咁熊妹就揀魚皮餃喇。唔算好大粒,不過好足料,水餃入面有木耳,豬肉,係酸菜鍋煮下已經好夠味;魚皮餃餃皮煙煙韌韌,好有口感,正。餐餐要食菜的熊妹又點少得叫蔬菜呢。莎莉由得熊妹揀,熊妹揀左油麥菜(全份),$32,因為油麥菜配濃味湯汁應該好好味。全份真係好多菜喎,一個大籃裝得滿滿的🌿,而且好新鮮,棵棵翠綠色,一啲枯葉都無,好似剛剛種起咁,而且洗得好乾淨,點點水珠💦仲留係菜葉上,抵讚!打邊爐又點可以無響鈴呢?脆卜卜響鈴,$32。淥一淥三秒,索哂酸辣鍋湯汁又保住脆脆地口感,簡直係火鍋恩物呀!跟住莎莉仲叫左野生竹笙,$48同鮮淮山,$38。滑嘟嘟白𠽌𠽌,全部都洗得好乾淨好新鮮,不過可能真係叫太多喇,最後食唔哂。咁食法唔算叫太多都要六百幾蚊呀,話平唔平架,不過有莎莉請,仲話一年一次無所謂喇,真係太疼錫熊妹喇! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-28
412 瀏覽
Rainy days feel like a hotpot dinner. My friends picked this restaurant since they want to have the famous spicy fish! we ordered the less spicy hot pot, but it’s still very spicy. the beef came first, it was delicious but quite expensive for its quality (the most expensive dish in our whole meal)...we ordered a hot dish, it’s very tasty 😋 they fried the extra fish for us, this is the highlight of the meal for me, with chili and pepper. the fish has no bones and got cut into small pieces for us. the oyster was yummy and creamy too!! ==========Overall, it was a satisfied meal but I think it was a bit expensive as it costed us around 400 HKD each and to be honest we did not each much. However, the service here was excellent! The owner saw me couldn’t eat too spicy, he actually offered me a soup to dip so that it would be less spicy. 繼續閱讀
(以上食評乃用戶個人意見 , 並不代表OpenRice之觀點。)