影片
更多
2021-10-12
217 瀏覽
同小朋友去元朗玩，順便去形點一期商場的Glasshouse食lunch，喜歡佢環境優美，各種植物裝飾佈置的田園風格， 而且有落地大玻璃，非常開揚，可以望到外面嘅花園靚景。Menu有好多fusion菜選擇，仲有兒童餐，非常貼心。我哋今次order咗龍蝦湯、照燒牛肉鵝肝煎蛋飯、秘製乳豬臘腸炒飯、酥炸魷魚鬚配韓式泡菜醬，飲品揀咗雲霧士多啤梨及南日落。當然唔少得點個兒童餐俾小朋友，入面有芝士焗脆脆肉醬意粉，飲品揀咗新鮮芒果汁，甜品就係朱古力雪糕球。龍蝦湯有兩塊脆多士配襯，甘香可口，加埋濃濃龍蝦湯，入面仲有龍蝦肉碎。酥炸魷魚鬚份量比想像中多，而且每一條都炸得十分平均，魷魚好新鮮點埋泡菜汁食好有fusion菜元素。照燒牛肉鵝肝煎蛋飯牛肉超柔軟，最緊要鵝肝夠厚夠肥大好juicy，鍾意食鵝肝嘅朋友一定要試。乳豬臘腸炒飯又係另一個fusion菜嘅表表者，絕對好味，因為乳豬夠脆皮，內裏肉質就柔軟，臘腸炒飯好有中式味道，如果大家鍾意試新嘢及fusion， 一家大細聚會去 Glasshouse 就啱曬。
我哋今次order咗龍蝦湯、照燒牛肉鵝肝煎蛋飯、秘製乳豬臘腸炒飯、酥炸魷魚鬚配韓式泡菜醬，飲品揀咗雲霧士多啤梨及南日落。當然唔少得點個兒童餐俾小朋友，入面有芝士焗脆脆肉醬意粉，飲品揀咗新鮮芒果汁，甜品就係朱古力雪糕球。
龍蝦湯有兩塊脆多士配襯，甘香可口，加埋濃濃龍蝦湯，入面仲有龍蝦肉碎。
酥炸魷魚鬚份量比想像中多，而且每一條都炸得十分平均，魷魚好新鮮點埋泡菜汁食好有fusion菜元素。
照燒牛肉鵝肝煎蛋飯牛肉超柔軟，最緊要鵝肝夠厚夠肥大好juicy，鍾意食鵝肝嘅朋友一定要試。
乳豬臘腸炒飯又係另一個fusion菜嘅表表者，絕對好味，因為乳豬夠脆皮，內裏肉質就柔軟，臘腸炒飯好有中式味道，如果大家鍾意試新嘢及fusion， 一家大細聚會去 Glasshouse 就啱曬。
張貼
