61
24
18
餐廳: Glasshouse
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://rssless.hk

港鐵元朗站 H 出口, 步行約10分鐘 繼續閱讀
所有分店 (3)
電話號碼
23516600
開飯介紹
用創新手法演繹傳統烹飪的藝術,通過香料、食材的刺激構成新潮流。菜單由分享小食、沙拉和輕量主菜組成,乃朋友之間和家庭分享輕鬆的用餐體驗。所有菜式結合香港本地,亞太區域和國際食材和配料。 繼續閱讀
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
付款方式
Visa Master AlipayHK 支付寶 現金 AE 銀聯 微信支付
其他資料
網上訂座
酒精飲品
賞訂座積分
加一服務費
室外座位
當面支付
有關獎賞計劃
食評 (145)
等級4 2019-07-10
1144 瀏覽
平時去對面睇戲,已經留意到呢間餐廳好多人等位,好似好正。今日終於睇Xmen前黎試下。雖然食得早,但餐廳都已經坐得七七八八,好彩我地都好快安排到入座。呢到食係食泰國Fusion菜,簡單將咩都有得食。先黎軟殼蟹凱撒沙律伴流心蛋。雖然係沙律,但就係因為擺最頂嘅”炸蛋“非常搶眼,督穿去真係有蛋汁流出來,撈埋沙律食好掂好Fresh!然後仲有黑松露薯條伴蛋黃醬。一上台就已經聞到黑松露香味。薯條新鮮炸起,每條都脆卜卜,怕太乾可以點下隻蛋黃醬,食落就唔會太Dry得黑松露味。主菜方面,我地叫左個X.O醬龍蝦炒麵。初頭無想過係好似肉絲炒麵咁嘅烹調方法 - 一個熱pan,再係經炸過嘅麵上加X.O汁。食落幾得意,因為好少炒麵會係咁做法,加埋原隻龍蝦,讓整個炒麵昇華,唔會好似一般麵食咁。仲有一個牛西冷。真係可以按要求比到Medium我,非常專業。肉質好嫩,不會咬唔開,連埋伴碟嘅菇同薯仔,食落都幾飽肚。甜品啦!! 叫左個香草梳乎里。成個梳乎里有我塊臉咁大,雖然係大,但個濕潤度處理得剛剛好,甜度都係適中,唔會太過膩之餘唔會太乾。另外仲有一個牛油軟曲奇。望落去有D似 Apple Crumble,但事實上無咁膩,而且個皮非常脆,仲好香牛油味,真係好似食緊曲奇咁。仲有面頭嘅雪糕,下面熱,上面凍,感覺都幾奇妙~飲品方面,我地叫左荔枝玫瑰冰茶同特製冰鴛鴦。荔枝玫瑰冰茶有淡淡果香,同埋飲到唔係糖水甜,係真係本身果肉嘅甜味,而且飲落口係透心涼,最適合夏天飲;至於特製冰鴛鴦,味道同出面飲嘅有D唔同,個奶似係用花奶,所以飲落好香,個茶底都好正,不錯不錯。呢到嘅食物份量好大,而且味道幾好,Waiter都好落力做,不過有心理準備,有機會需要用英文落單~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-27
896 瀏覽
好耐無入嚟食飯,今晚女友話想入嚟行下,順便食個飯,避開一下社會上既奇怪氣氛。。glass house剛開張時也有來過一次,這次幫襯比上一次既經驗更好,由環境到食物質素都進步不少,坐得舒服,落單上菜效率都好快!manu選擇都幾多,由串燒到各式扒類,小食都有供應,價錢都幾唔貴!女友叫左杯玫瑰香味突出既荔枝玫瑰冰茶,仲有淡淡既荔枝甜味,我就叫左杯特製冰鴛鴦,咖啡同茶既分配恰到好處,茶中有咖啡味,唔會無左另一種味道,而且都唔太甜,啱晒我!小食我哋叫左兩個,一個係酥炸珍寶軟殼蟹凱撒沙律伴流心蛋,卜卜脆既軟殼蟹,配上炸到外脆內流心既雞蛋,將蛋汁加到軟殼蟹上會更滋味!另一個小食係炸薯條配黑松露蛋黃醬,金黃色香脆既薯條點d黑松露醬會變得更香更惹味! !小食過後,主菜都好快送到嚟,先有5成熟,由鐵板熱辣辣送到檯上既美國頂級西冷配秘製京醬,京醬有陣香濃既葱味,辣味,未食都已經令人食指大動!加上肉汁豐富,有咬口既牛扒,每啖都充滿著香甜既牛肉味,非常滿足!另一主菜“沙薑”燒春雞都好快送到!其實睇落一d都唔似春雞,因為真係好大隻!呢度d主菜都大大份,好抵食!春雞都係用熱辣辣既鐵板上,再淋上香濃既沙薑汁,平常既沙薑醬油,換成沙薑醬汁,嗰陣咸咸地既薑味即時湧晒出嚟!沙薑汁配上炸得香脆既薯角,真係令我食唔停口!大大隻既雞脾,雞肉嫩滑唔在講,滲左好多沙薑汁入去,除左雞油香味外,仲有陣陣咸香味,真係好鬼好食!主菜過後,又點會少得呢度招牌甜品香蕉火焰焦糖燉蛋,由倒酒點火以至賣相到口感都令人印象難忘!帶點酒香既香蕉片搭上香甜嫩滑既燉蛋,每啖都甜到入心! 可能就係因為咁,都配上一小杯expressso! 將嗰甜味中和返! 呢個組合真係為我哋呢餐劃上完美既句號! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-29
1382 瀏覽
剛好要去一田買野,所以同姊妹去yoho mall食飯,朋友之前推介過呢間特別嘅泰菜,一於試下喇!7點半去到唔係太多人,一坐低侍應就遞上餐牌,選擇多唔太貴,同朋友叫左好多野開心share! 酥炸珍寶軟殼蟹凱撒沙律伴流心蛋軟殼蟹夠脆口,食落好香,唔會好似其他地方淋哂又無味,沙律個汁酸酸地勁開胃;菜份量比較多,2個share 1份就岩哂。 炙烤蘑菇配韓式泡菜芝士醬估唔到隻菇勁大隻,鍾意重口味既我覺得好好食!芝士好香好濃,入口先係芝士味再一陣又香又juicy既菇味。如果個肚仲有位會想叫多份! 慢煮三文魚扒配藜麥素菜好驚喜,魚夠鮮味清甜仲好滑,唔會煮到無哂味!岩岩好!加埋藜麥口感豐富。熱蘋果肉桂茶蘋果酸甜醒胃,一向幾鍾意肉桂味,最意外竟然會用玻璃暖座暖住壺蘋果肉桂茶!值得一讚!香蕉火焰焦糖燉蛋超滑,好香蛋味同香蕉味,呢個甜品有D令人停唔到口!佢有提供埋一小杯咖啡,但我覺得唔落味道會較好。香草梳乎厘好香,焗得好靚,外皮質感好好,好鍾意食梳乎厘既我都食唔哂,好大個,2-3人share 1個食會比較好。對呢餐晚飯認真讚不絕口!炙烤蘑菇配韓式泡菜芝士醬 價性比好高,唔會乾仲好香好juicy,香蕉火焰焦糖燉蛋 好重蛋味,仲有侍應親自幫你淋上酒點火,好貼心!有點枱貼枱的感覺,覺得同隔離枱有少少近!不過最緊要係服務同態度都好好!一定會再幫襯! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-10-05
3 瀏覽
標明少鹽泰國菜餐廳, 真係好吸引一班追求健康嘅女士, 尤其是晚餐食太喊,第二日又容易水腫, 我哋走進餐廳, 眼見都有好幾台係全女班,而且仲可以帶狗狗入嚟,啱曬D愛狗人士。 侍應雖然係講英文,但你用中文回答佢, 佢一樣估到你講咩, 而且見到我哋兩個人食亦主動問我哋需唔需要碗for share,服務不錯, 餐廳食物因為少鹽嘅關係,起初食會覺得有啲唔夠味, 但你會發覺每個餸都放咗好多配料, 例如紫洋蔥,薯仔,大蔥, 配埋一齊食其實又有另一番味道,特別食燒春雞嘅時候, 食到真正嘅雞味 繼續閱讀
(以上食評乃用戶個人意見 , 並不代表OpenRice之觀點。)
依間餐廳好壞評語都有,懷住一個會中伏既心情入去,本身見到評語話服務質素唔掂。我地又唔太覺得,店員服務正常,要用英文溝通,不過又唔覺好無禮貌餐廳環境不錯,坐位舒服,我地叫左幾樣嘢食分享^_^湯係濃郁既,不過同隻蛋唔係幾夾Chips 炸得好脆,個salad dipping source 好味個蜆係好食既,個汁好香,有幾塊包點下d汁牛扒,店家好細心咁切開左一塊塊,肉質幾好,有肉汁,面頭有沙律菜,蒜頭同車厘茄,感覺清新d,無咁油Pizza 相對上就較為失色,個餅底好濕好難切,個黑松露味個人認為1般,可不用嘗試你最後叫左個apple crumble ,整得幾巴^_^好夾不過餐廳有時限,就算無人排,都要請你走😞 繼續閱讀
(以上食評乃用戶個人意見 , 並不代表OpenRice之觀點。)