.
以前皮膚好易敏感比較少食海鮮，但近年好咗好多，就梗係要食多少少😛本身唔係特別鍾意食放題，但位於元朗嘅燒蝦蝦卻吸引到我😳
仲可以自己夾新鮮嘅蝦黎燒好好玩ଘ(੭ˊ꒳ˋ)੭✧
.
我記得啱啱出story個陣已經即刻有朋友問我入邊有咩食，係咪得流水蝦同海鮮🦞咁其實佢係有好多種類食物٩(ˊᗜˋ*)و大致分咗幾個區域：
.
◾️2.5小時流水蝦海鮮放題 加一後$405位
.
▫️流水蝦：
活生生嘅蝦夾起後要放到冰筒整暈佢再燒，真心咁樣食特別鮮甜！
因為熟食區有已煮熟嘅蝦，對比下自己燒嘅流水蝦係鮮美得多( ᵒ̴̶̷̤◦ᵒ̴̶̷̤ )
.
▫️海鮮區：
各種蜆、青口、鮑魚、貴妃蚌、魷魚、原條魚、帶子、螺…etc，如果一開始肚餓嘅推薦燒魷魚串及蜆，
快熟又鮮甜😋
.
▫️肉類區：
雞軟骨、雞翼、牛仔骨、五花腩…etc；私心推薦雞軟骨，幾好食，店家有各種調味粉比你灑落去
.
▫️蔬菜區：迷你紫薯、韭菜、翠玉瓜、南瓜、金菇…etc，仲有啲芝士粒同錫紙兜比客人燒；
順帶一提個到蒜容包都唔錯，自己覺得咸咗啲啲，但朋友大讚食完又再食
.
▫️熟食區：
炸雞粒、薯格、蝦🦐、
湯、炒蜆…etc 如果肚餓啲野未熟，可以食住熟食區嘅食物先
.
▫️甜品區：
迷你撻、木糠布甸、tiramisu 、芒果mousse、各種雪條…etc；個人私心推薦個迷你雪糕批，
脆薄嘅朱古力包住雪糕幾正😳
.
▫️飲品區：有各種嘅無糖0卡紙包茶提供，仲有蘋果綠茶、維他奶、罐裝飲品、啤酒…etc
.
❥…店家個爐火力都幾猛，一般唔洗等好耐就熟，如果想再快啲熟同食多啲，可以將食物放係錫紙兜再放上烤爐燒；
另外我哋平日6點入座，到7點開始就好多人，所以建議訂位比較好，仲有就係2.5小時絕對夠燒，我哋燒咗未夠2個鐘已經好飽🙈
.
