影片
更多
2017-11-11
504 瀏覽
-Fumi一連9日（11/10至11/18）期間限定以宮崎做主題既tasting menu真係幾唔錯！..前菜係慢煮白蘿蔔絲、慢煮日式椎茸同香炒金平竹筍，蘿蔔絲同椎茸都煮得好濃到甜，三款前菜都做得好細膩。..刺身為中腩、鰤魚同𩶘魚，刺身新鮮，但驚喜位嘅係伴碟嘅宮崎青瓜同蕃茄都好鮮甜爽口（又錯左focus🤣)..汁煮為慢煮宮崎豬腩肉、京芋配金平青椒、柚子皮絲，豬腩肉加左柚子皮一啲都唔溜反而幾清新，雖然煮得淋身但肉嘅部份依然有嚼勁，京芋處理得岩岩好，唔會話太爛仍然保持到口感，而且幾欣賞金平青椒，切絲變相無左平時嗰種腥味，幾夾。..燒物係宮崎地頭雞配青檸汁，雞味濃但可能係用雞胸肉，所以乾左少少，但青檸汁酸酸地都開胃。..主菜係宮崎牛西冷配壽喜燒汁，油脂非常豐富，但比起平時嘅日本和牛更加有牛扒既口感同相對重肉味，唔係嗰種入口即溶完就無！而且配菜個燒豆腐都好好味🤗..飯係宮崎地頭雞栗子釜飯，呢個都係驚喜位，雞滑加埋栗子，釜飯個base做得好好，令釜飯簡單得黎惹味，飯控表示投降食左兩碗😂..水果係宮崎木瓜，真心甜到癲咗，本身麻麻哋食木瓜嘅我都食晒；而甜品嘅宮崎栗子蛋糕栗子蓉非常誘惑，而且入邊仲有元
Fumi一連9日（11/10至11/18）期間限定以宮崎做主題既tasting menu真係幾唔錯！.
.
前菜係慢煮白蘿蔔絲、慢煮日式椎茸同香炒金平竹筍，蘿蔔絲同椎茸都煮得好濃到甜，三款前菜都做得好細膩。.
.
刺身為中腩、鰤魚同𩶘魚，刺身新鮮，但驚喜位嘅係伴碟嘅宮崎青瓜同蕃茄都好鮮甜爽口（又錯左focus🤣).
.
汁煮為慢煮宮崎豬腩肉、京芋配金平青椒、柚子皮絲，豬腩肉加左柚子皮一啲都唔溜反而幾清新，雖然煮得淋身但肉嘅部份依然有嚼勁，京芋處理得岩岩好，唔會話太爛仍然保持到口感，而且幾欣賞金平青椒，切絲變相無左平時嗰種腥味，幾夾。.
.
燒物係宮崎地頭雞配青檸汁，雞味濃但可能係用雞胸肉，所以乾左少少，但青檸汁酸酸地都開胃。.
.
主菜係宮崎牛西冷配壽喜燒汁，油脂非常豐富，但比起平時嘅日本和牛更加有牛扒既口感同相對重肉味，唔係嗰種入口即溶完就無！而且配菜個燒豆腐都好好味🤗.
.
飯係宮崎地頭雞栗子釜飯，呢個都係驚喜位，雞滑加埋栗子，釜飯個base做得好好，令釜飯簡單得黎惹味，飯控表示投降食左兩碗😂.
.
水果係宮崎木瓜，真心甜到癲咗，本身麻麻哋食木瓜嘅我都食晒；而甜品嘅宮崎栗子蛋糕栗子蓉非常誘惑，而且入邊仲有元粒栗子，栗子控一定好鍾意！.
.
呢個tasting menu真係食到好飽，$688價錢都算合理而且環境舒服，去蘭桂坊又真係未必一定係食西餐既！.
張貼
