名門私房菜

營業中

休息中

今晚姐妹飯局擇左去食私房菜，餐廳就在一棟大廈內，環境企理，大家都細細聲講野，寧靜舒適。員工和老闆都好nice，每上一道菜就會詳細介紹菜式！知道人齊後就開始上菜😙油鹽焗奄仔蟹員工為我地準備好濕紙巾、食蟹餐具，好貼心！用油鹽焗過的奄仔蟹，膏香肉甜，鮮味十足！雖然細細隻，但真係好多膏，好正啊！龍躉雜菌粉絲煲老闆話條龍躉係即日買架，超新鮮！龍躉酥炸過特別香口，薄脆不油膩，魚肉超厚身，啖啖肉，口感一流！蝦乾魚肚芥菜芥菜纖維豐富，入口會苦苦地，加入蝦乾和魚肚後，湯汁增添鮮味，個個都話幾好飲喎！XO醬炒飯整個炒飯都好香口惹味，但對我黎講辣左少少XD 老闆話XO醬係自家製，配上蝦、瑤柱絲、香蔥等等的配料，口感豐富！