平昌 Premium (已結業)

時常好奇韓國醬油蟹係咩味，今次特意到平昌試一試。平昌係全卡位座位，坐得幾舒服。一坐低職員馬上送上八小碟，可以邊食邊睇menu。點了醬油海鮮三寶同烤牛肉拼盤，貪佢樣樣有啲唔洗諗。烤牛肉拼盤一上桌，職員先為我地燒幾件牛肉，肉質好柔軟，各類牛脂肪同肉都好平均，唔會過瘦過肥，最喜歡牛肋骨同牛排骨，有一定厚度，啖啖肉非常滿足。為佢而來的醬油海鮮三寶，附上一碗紫菜飯，兩個人黎食的話不需另點主食了。職員幫我地加啲海鮮落紫菜飯到，鮑魚同蝦剪到一粒粒，方便進食。鮑魚好軟熟，已去除內臟。蟹都幾多膏，蟹肺等已清除得乾乾淨淨，一咬落去肉就會跑出黎，唔同熟蟹食極都係蟹殼。醬油蝦肉質好結實，唔會咬落一patpat，三者之中我最喜歡醬油蝦。