象泰 (已結業)

雅都商場開左美食街一段時間，一路都無發現有間泰國餐廳。今日終於發現新大陸，今晚晚餐一於係呢到解決啦。佢地有啲套餐好抵呀！！但今日得我一個，惟有下次再同朋友嚟先嗌啦。香芒軟殼蟹米紙卷。裡面嘅軟殼蟹入口香脆，芒果有清新感覺。所有配料加埋醬汁好開胃！餐前小食一流。青咖喱雞肉麵包。最愛青咖喱，除左雞肉仲有蔬菜。麵包仲係脆嫁，沾青咖喱醬好惹味。雞肉肉質嫩滑。青咖喱有椰汁香味。餐廳環境舒服，適合朋友或家人用餐！！