影片
更多
2020-08-03
3073 瀏覽
將烏克蘭菜初體驗奉獻比「東歐餐廳」🥰差不多兩個月前係Openrice訂位 可以話係引頸以待左好耐！整體食物質素超出我預期 好有特色 菜式係普通西式餐廳唔會食到 比想像中更岩我口味！絕對值得一試🙆🏻♀️餐廳裝修設計都好用心 有頗多有心思的東歐擺設～.當晚訂左8點正 提早左5分鐘到達𨋢門一打開 餐廳門外全部都企滿人 而佢地全部都係有訂位 所以我當下係嚇親嘅😂而等候入座嘅情況可以話係十分混亂大家要有心理準備 訂左位都有機會要等一陣的😶.🔸紅菜頭羅宋湯 $68🔸湯呈天然嘅紫紅色 主角係紅菜頭 湯入面仲有少許酸忌廉味道濃烈 仲有陣陣紅菜頭味 同一般嘅羅宋湯相比無咁酸 十分健康特別！.🔸烏克蘭香煎薯餅 $88🔸呢個係驚喜之作 無expect過會咁好食🤭一反我對薯餅嘅一貫認知🤣🤣 🥔每碟共有四塊薯餅 全人手製作 薯仔超rich! 同出面食嘅雪藏薯餅完全唔同🥰外皮煎到好香脆 入面十分軟 配埋sour cream食仲無咁肥膩 正正正！.🔸招牌芝士焗牛脷盅 $98🔸成餐最愛 好好食😋 望落好似好細盅 但其實入面有好多厚切牛舌同埋粉粉蘑菇👅上面鋪左一層脆脆的酥皮 店員會將酥皮剪成四塊 蘸芝士汁同伴住牛脷食
差不多兩個月前係Openrice訂位 可以話係引頸以待左好耐！
整體食物質素超出我預期 好有特色 菜式係普通西式餐廳唔會食到 比想像中更岩我口味！絕對值得一試🙆🏻♀️
餐廳裝修設計都好用心 有頗多有心思的東歐擺設～
.
當晚訂左8點正 提早左5分鐘到達
𨋢門一打開 餐廳門外全部都企滿人 而佢地全部都係有訂位 所以我當下係嚇親嘅😂
而等候入座嘅情況可以話係十分混亂
大家要有心理準備 訂左位都有機會要等一陣的😶
.
🔸紅菜頭羅宋湯 $68🔸
湯呈天然嘅紫紅色 主角係紅菜頭 湯入面仲有少許酸忌廉
味道濃烈 仲有陣陣紅菜頭味 同一般嘅羅宋湯相比無咁酸 十分健康特別！
.
🔸烏克蘭香煎薯餅 $88🔸
呢個係驚喜之作 無expect過會咁好食🤭
一反我對薯餅嘅一貫認知🤣🤣 🥔
每碟共有四塊薯餅 全人手製作 薯仔超rich! 同出面食嘅雪藏薯餅完全唔同🥰
外皮煎到好香脆 入面十分軟 配埋sour cream食仲無咁肥膩 正正正！
.
🔸招牌芝士焗牛脷盅 $98🔸
成餐最愛 好好食😋 望落好似好細盅 但其實入面有好多厚切牛舌同埋粉粉蘑菇👅
上面鋪左一層脆脆的酥皮 店員會將酥皮剪成四塊 蘸芝士汁同伴住牛脷食 中和返油膩感🤤
牛脷咬落勁軟腍 好好味👍🏻
芝士唔會搶左牛脷本身嘅味 喜歡！
.
🔸烏茲別克傳統牛羊抓飯 $198🔸
賣相雖然平平 但食落別有洞天🤤
飯食落粒粒分明 炒到好乾身均勻 份量十足
羊肉十分腍 易咬 好入味👍🏻 牛肉相比起就較遜色了 肉質比較韌
但整體係十分高質嘅抓飯 食耐左都唔會覺得好單調
.
🔸馳名基輔炸雞扒 $188🔸
見到唔少人都話好食 當然要點黎試試
一切開 我同朋友都不自覺地__左一聲 然後結論係杜生呃人嘅嗚嗚😂
首先外皮同入面舊雞肉係分離嘅 然後塊炸衣都係偏厚同硬
雞肉肉質厚實 非其他人所講嘅嫩滑 最後只係食左兩啖就無食了
Ummmmm...唔知係咪轉左第二個廚師煮呢？😶 質素好似有啲fluctuate 有點失望😞
反而伴碟嘅自家製炸薯片幾得我歡心！
炸到勁香脆 🤤
.
💬 總結：如果無嗌炸雞扒 呢餐飯係有9/10
食完炸雞扒 只係得 8/10😂
張貼
