影片
更多
2019-03-05
70 瀏覽
同朋友一直都好想試下廚師發板嘅餐廳所以一個禮拜之前就已經book咗呢間叫黑木嘅日式料理餐廳試下佢地嘅omakase😛餐廳入面環境好好，整體用左木做主裝修材質，亦有bar 枱位。店員好用心咁幫我地安置好個袋係高腳凳下面。餐廳提供嘅omakase 主要有三款，我地一場黎到，決定叫最貴最豪華嘅享。日set!前菜為煮海螺，醃豬肝同冰糖漬三文魚嘴，味道各有特色，個人最中意煮海螺，用上嘅醬油好惹味。蕃茄青瓜亦可以係食完濃味嘅豬肝後refresh 一下。冰糖漬三文魚嘴酸甜爽脆，好開胃。跟住就到串燒12串，分別有：雞軟骨：爽脆香口，建議配餐廳提供嘅鹽及檸檬汁調味。青椒仔：不嬲不太好青椒，但呢個青椒好彩唔算好濃味，口感軟腍👍🏻雞肉釀雞軟骨配溫泉蛋串燒：個人最中意呢個！ 雞肉雞軟骨串口感好豐富，伴上流心溫泉蛋一齊食香滑順口，掂👍🏻燒白鱔：新鮮燒起上碟，白鱔皮非常香脆，肉質多汁嫩滑燒蔥白：冇想像中嘅辣，香甜多汁燒黑豚肉：肥肉同瘦肉分佈均勻，唔會肥肉部分過多令到整體感覺油膩，豬肉味亦夠濃厚，配上黑椒汁調味更加惹味。燒露荀：水準之中燒雞脾菇：厚切多汁，一咬入口啲汁爆曬出黎，用上燒汁幾夾雞腎：口感爽脆，用左麻油、
餐廳入面環境好好，整體用左木做主裝修材質，亦有bar 枱位。店員好用心咁幫我地安置好個袋係高腳凳下面。
餐廳提供嘅omakase 主要有三款，我地一場黎到，決定叫最貴最豪華嘅享。日set!
前菜為煮海螺，醃豬肝同冰糖漬三文魚嘴，味道各有特色，個人最中意煮海螺，用上嘅醬油好惹味。蕃茄青瓜亦可以係食完濃味嘅豬肝後refresh 一下。冰糖漬三文魚嘴酸甜爽脆，好開胃。
跟住就到串燒12串，分別有：
雞軟骨：爽脆香口，建議配餐廳提供嘅鹽及檸檬汁調味。
青椒仔：不嬲不太好青椒，但呢個青椒好彩唔算好濃味，口感軟腍👍🏻
雞肉釀雞軟骨配溫泉蛋串燒：個人最中意呢個！ 雞肉雞軟骨串口感好豐富，伴上流心溫泉蛋一齊食香滑順口，掂👍🏻
燒白鱔：新鮮燒起上碟，白鱔皮非常香脆，肉質多汁嫩滑
燒蔥白：冇想像中嘅辣，香甜多汁
燒黑豚肉：肥肉同瘦肉分佈均勻，唔會肥肉部分過多令到整體感覺油膩，豬肉味亦夠濃厚，配上黑椒汁調味更加惹味。
燒露荀：水準之中
燒雞脾菇：厚切多汁，一咬入口啲汁爆曬出黎，用上燒汁幾夾
雞腎：口感爽脆，用左麻油、黑椒同炸蒜粉調味。
燒雞頸肉，燒脆肉瓜同燒白菌皆為水準之中。
之後就到明太子及木魚絲飯糰，略嫌木魚絲飯團淡味左少少，明太子飯團帶微辣，飯粒口感綿密蔫韌。
吸物（湯）比較特別，用左茶壺承載，入面係用大蜆，雞肉，蝦仁等等熬成，非常香甜，店員亦有教我地可在茶杯加幾適青檸汁再倒入湯汁飲用，口感幾清新帶微酸，不錯。
燒油甘魚鮫及鯖魚都係季節限定海鮮，唔會過腥，肉質亦都保持到鮮嫩，好快清曬👍🏻👍🏻
最後嘅食事係沖繩豬手，呢個好有驚喜，餐廳先將豬手先煮後煎，令豬皮表面微焦，但咬入口即溶，果種膠質感滿瀉嘅口感好令人上癮。
張貼
