霜瀛 (已搬遷) 新店位置

今日想清清哋食下日本嘢，咁啱人在上環，住喺附近嘅朋友就話呢間“霜瀛”係唔錯，所以我哋就一齊去試咗啦。坐低之後我哋就叫咗“霜”呢個おまかせ套餐 $1580/位。師傅係現場即製，而且都好用心講解每一道菜。💁就好似岩手縣石垣貝壽司🐚，師傅將石垣貝用手一拍，師傅解釋係貝類一般離殼後不會即時死去，拍打一下可以讓肉質收縮。我哋一試，真係分外清甜同埋爽脆。味道有啲似象拔蚌。蘋果木煙燻鰹魚🍎亦都係幾特別。食落去有淡淡蘋果嘅味道但又唔會蓋過鰹魚嘅鮮味。上面有蔥碎及薑蓉，除咗令外觀更美之外，對味道方面亦都有提升嘅效果。即製嘅薑蓉同蔥碎係少少微辣，令新鮮嘅刺身有一種中和嘅感覺。仲有仙鳳趾生蠔🦪師傅話係北海道出產。首先外觀係非常大隻，口感好creamy但都十分清爽，帶有啲水礦物嘅甜味，所以都唔會話好漏。另外我都好鍾意赤睦壽司🍣因為外皮燒過所以有陣陣香味，呢種魚魚脂十分豐富亦有種獨特嘅甜味，魚油滲入魚身及飯，非常正。再加埋上面魚子醬簡直更佳。