樂天皇朝薈萃

營業中

休息中

放工突發去新商場食飯，屋企人揀咗樂天。一心想試鐵板豆腐，後來先發覺同奧海城嗰間截然不同。放工先嚟開會遲走，最終都係屋企人佔咗一半嘅菜式。話梅豬手，用上新鮮嘅話梅，口感一流，醬汁亦都鹹甜適中，唯獨係個豬手比較厚身㗎地方唔入味。屋企人冇點特色味道嘅小籠包，但係原味已經好好食皮薄多汁。另外一個酥皮做嘅肉餅，芝麻同酥皮簡直係絕配。可惜個雲吞雞有少少失望，雖然隻雞好滑，但係個湯底落嘅金華火腿唔足。鱔糊個賣相雖然唔係好吸睛，亦好少韭黃，但係滿滿嘅鱔肉，實在好滿足。醬鴨雖然超細碟望落去似好乾身，但係食落一啲都唔算喊，醬味亦恰到好處。反而個鍋貼有少少失望，煎得唔夠脆肉汁液唔算多，另外個炒麵嘅話都比較濕。反而個擔擔面有少少微辣再加埋少少花生粒相當一絕。可惜大部份侍應都係低頭族，舉手加單都完全唔理客人嘅，最後要大聲地邀請佢過嚟，先至死死地氣走過來落單。跟住走到過嚟話叫用QR code落單，但係App裏面顯示用餐時間已過，但事實上入座都唔夠一個鐘，個Apps已經咁樣顯示，感覺實在唔太良好。如果用餐時間咁短，咁我不如食food court好過。