影片
更多
2020-11-17
321 瀏覽
今日第一次食，揀左辛麻叉燒菜飯。平日係公司見好多同事都會買泥食，所以都有啲期望。番到公司一打開，賣相幾好，係脆邊太陽蛋，煎得剛剛好。好，食第一啖啦，唔辣既？唔係辛麻咩？可能叉燒先辣，好，食舊叉燒先。咦？酸酸味味既？攪兩攪，有柚子既？😅 打左去問店員，確定左係俾錯左柚香叉燒。店員有道歉同話下次送番小食俾我，但係佢又點會記得我？😂 Anyways，誠意係有既。由於lunch hour得一個鐘，實在冇辦法再行番過去換過個飯，所以試吓柚香啦。咁柚香叉燒飯好冇食呢？答案係，難以接受既普通。。。首先，成件事只係一碗撈左韓式柚子醬既叉燒飯，叉燒都只係叉燒，柚子醬感覺只係綽頭野，因為呢個酸甜味同叉燒飯好唔夾，可能我個人接受唔到。第二，叉燒好硬。上網睇過介紹，店主係有心去研究個叉燒既，但問心，有部分叉燒我咬到牙痛先咬到，本身冇牙齒問題。同埋叉燒食落又乾又柴，其實咁既質素，我俾平十蚊行少兩步，食前面間龍邦好過，龍邦啲叉燒都冇咁硬！食完個飯，嚴重考慮緊仲有冇下次😂 店員你可能可以慳番個小食😂
平日係公司見好多同事都會買泥食，所以都有啲期望。
番到公司一打開，賣相幾好，係脆邊太陽蛋，煎得剛剛好。好，食第一啖啦，唔辣既？唔係辛麻咩？可能叉燒先辣，好，食舊叉燒先。咦？酸酸味味既？攪兩攪，有柚子既？😅
打左去問店員，確定左係俾錯左柚香叉燒。店員有道歉同話下次送番小食俾我，但係佢又點會記得我？😂 Anyways，誠意係有既。由於lunch hour得一個鐘，實在冇辦法再行番過去換過個飯，所以試吓柚香啦。
咁柚香叉燒飯好冇食呢？
答案係，難以接受既普通。。。
首先，成件事只係一碗撈左韓式柚子醬既叉燒飯，叉燒都只係叉燒，柚子醬感覺只係綽頭野，因為呢個酸甜味同叉燒飯好唔夾，可能我個人接受唔到。
第二，叉燒好硬。上網睇過介紹，店主係有心去研究個叉燒既，但問心，有部分叉燒我咬到牙痛先咬到，本身冇牙齒問題。同埋叉燒食落又乾又柴，其實咁既質素，我俾平十蚊行少兩步，食前面間龍邦好過，龍邦啲叉燒都冇咁硬！
食完個飯，嚴重考慮緊仲有冇下次😂 店員你可能可以慳番個小食😂
15 瀏覽
0 讚好
0 留言
柚香叉燒飯
12 瀏覽
0 讚好
0 留言
張貼
