38
1
1
港鐵上環站 A2 出口, 步行約2分鐘 繼續閱讀
所有分店 (4)
電話號碼
98566264
營業時間
今日營業
11:30 - 21:00
星期一至六
11:30 - 21:00
星期日
全日休息
付款方式
AlipayHK 支付寶 現金
其他資料
當面支付
招牌菜
辛麻叉燒菜飯,柚香叉燒菜飯
食評 (46)
等級4 2020-12-28
27 瀏覽
整叉燒一向都係會用梅頭豬肉,而經過採用中西合壁烹調手法,中式醬醃製 ,再用焗爐慢煮30分鐘在低溫慢煮變成叉燒焦香舖頭裝修新穎,中西合璧嘅感覺,非一般傳統嘅叉燒店✨Wow 焦蜜叉燒飯用一個圓筒紙盒包住叉燒飯設計比較特別,裏面原來有一層叉燒中間菜飯下一層又係叉燒底層菜飯好似層層疊效果肉質好腍肥瘦適中,加上煎蛋蛋白邊微燶中間蛋黃半熟狀態撈勻叉燒菜飯真係好豐富,又唔會太油膩蜜汁叉燒側邊烤至微微焦香,外脆肉嫩,仲另外加咗啲蜜糖香味,層次感好豐富喎,呢個係我食過咁多叉燒裏面最好味✨Wow 辛麻叉燒飯另外一個都係招牌菜加左辛辣味道食落去個口感突出豐富帶點香辣味,刺激味蕾,鍾意食辣嘅朋友可以試吓呢個必食首選✨芝士薯餅就咁睇平平無奇一個薯餅,原來裏面係用咗芝士同埋薯仔打薯蓉差成之後經過油炸外脆裏面比較厚實美味芝士散發出嚟味道濃厚,真係意外驚喜好味 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-19
120 瀏覽
香港人一向愛吃燒味,尤其是燒得焦香肥美,甜蜜可口的叉燒,更是大家的心頭好。早排約咗朋友去上環交收,喺禧利街發現有間叫「好叉好味」的叉燒飯外賣店,店名抵死過癮,所以已經即時 mark 低咗間餐廳,趁今日要嚟舊屋打掃,就順便過嚟買外賣。門面紅卜卜,好易認,加上以卡通版豬仔做 logo,夠晒搶眼。初頭還以為餐廳只做外賣,原來店內設有幾張高腳櫈, 那就一於坐下來堂食。先睇下餐牌,食物選項唔多,只有四款飯、兩款潛艇漢堡、叉燒杯同三款小食。叉燒飯一共有三種口味,分別為辛麻、柚香和焦蜜。由於兩口子都不大吃得辣,所以就揀咗柚香叉燒飯 同 焦蜜叉燒飯各一,另外再加咗一客洋蔥薯餅做小食。兩款叉燒飯都用上大型的咖啡外賣杯盛載,而且客人仲可以因應自己的口味選配菜飯、白飯或沙律。先試下呢款配咗白飯嘅 WOW 焦蜜叉燒飯 ($54),叉燒切得頗厚身,肉質很鬆化,一點也不韌,最正就係有燶邊,而且由於加入了秘製蜜糖,所以味道特別甜,焦香、油香、肉香盡在一口中。面頭嘅荷包蛋亦煎得很有水準,不但蛋黃呈流心狀,連外圈嘅裙邊都很脆口,將蛋汁同米飯撈勻,入口香滑多汁,美味至極。至於另一款 WOW 柚香叉燒飯 ($58)  就揀咗配菜飯,叉燒同飯一層疊一層,排放得整齊有序。叉燒口感很不錯,肉質鬆化腍滑,內有柚子皮和青檸汁,柚子果香清新,入口酸酸甜甜,能解除肉膩感。配吃的菜飯,菜蔬下得夠多又爽脆,令人吃得很滿意。食完真係忍唔住要講番句:好叉好味!小食點咗個洋蔥薯餅 ($28)  薯餅脆卜卜又香口,味道甘香綿糯,吃起來爽口又不油不膩,下次嚟要試下兩款潛艇先得。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-10
422 瀏覽
燒味飯一向是俯拾皆是的平民美食,用「平、靚、正」來形容就最適合不過,而在云云燒味當中蜜汁叉燒可算是最受歡迎款式之一。若然經過這間好叉好味,大概未必會知道它其實是間叉燒飯店,店內只得少量座位,所以大多數客人都會選擇外賣,而杯型紙製飯盒就正正方便至極。食物款式一目了然,招牌叉燒有辛麻、柚香及焦蜜三款口味,另外亦有一款烤蜜雞扒,全部均可自由配搭菜飯、白飯或沙律。WOW椒麻叉燒飯 ($58)飯面放上一隻燶邊煎蛋,蛋黃與甜豉油融入飯底當中更加豐潤渾厚;叉燒與白飯梅花間竹所以每一口都能平均地品嘗到叉燒與飯,雖然稍為偏瘦但仍保留肉汁,亦沒有以鬆肉粉醃至過分軟腍,切粒方便食用而邊位烤至焦脆,配以辣油增添辛香更加惹味。WOW焦蜜叉燒飯 ($54)焦蜜叉燒飯與椒麻叉燒飯大同小異,但取而代之的是蜜糖的香甜,值得一提的是每杯叉燒飯雖然看似份量不多其實不然,相信即使男士們亦會覺得飽足。蝦角 ($28)外表有如咖哩角一樣,中間包住彈牙的蝦膠,餡料份量不多但炸得香脆酥化。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-04
312 瀏覽
「好叉好味」在上環開店時已經超想試,今日終於抽左個時間過嚟買個外賣返屋企慢慢嘆。來到時已經過咗 peak hour , 好好彩我想食既款式未賣晒。小店主要賣自家製叉燒,加埋以外賣杯取代了飯盒,成件事變得更有趣,紙杯上的豬豬Logo亦十分吸睛 , 打破了叉燒給人的固有老餠形象,將叉燒推到令一個層次。等了約五分鐘「WOW 柚香叉燒菜飯」$58 就可以拎返屋企食啦。叉燒飯分為五層煎荷包蛋、叉燒、菜飯、叉燒、菜飯半肥瘦叉燒切成 bite size ,應該是用上梅頭肉,有咬口之餘又吾靭,最正叉燒仲有燶邊㗎 ,我棟左加柚子汁,酸甜既柚子汁中和了肉的肥膩感 。而且叉燒份量超多,食極都仲有既。另外可以自選配白飯、菜飯、沙律等。不過識食一定食菜飯,飯吸收埋肉香、柚子香,真係好叉正。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-08
42 瀏覽
上環門面全紅,有隻吸晴豬仔燈箱嘅「好叉好味」🤣玩味十足!店內有打卡用霓虹燈😎產品種類不多但專注賣叉燒,絕對係好事。特色叉燒飯以一層飯一層叉燒嘅方式擺放😆咁就唔會食到底無餸之餘,又可以一啖有齊肉同飯啦❗️另一重點係呢度除左可以配白飯之外,仲可以揀菜飯/沙律,適合不同客人需要。WOW焦蜜叉燒($54)••••••嚟個原味先👅首先要讚店家用優質厚實紙盒,環保👍🏻一打開有隻煎到完美燶邊嘅太陽蛋🤩要知道出面大多數茶餐廳都做唔到呢個效果,隻燶邊蛋加左少少豉油,非常非常正,脆邊口感一流🤤之後就見到滿滿的叉燒啦❗️切粒上好細心👍🏻無肥膏但肉質依然十分之嫩,唔會乾或柴😋見到某幾舊肉帶焦香嘅黑色,蜜糖調味不過火,但足夠保持肉嘅濕潤。配左菜飯,健康得嚟比白飯多啲口感😚食到中間,又再有層叉燒同飯,係會開心🤣WOW柚香叉燒($58)••••••柚子味極濃🤪甚至見到柚子皮本體😘呢款叉燒飯就明顯比較甜,不變嘅係份量超多❗️CP值好高❗️墨魚丸($28)••••••黃金色外皮,炸得到位又靚,香口野唔需要特別調味已經好食😎 繼續閱讀
(以上食評乃用戶個人意見 , 並不代表OpenRice之觀點。)