雲吞仔 (已結業)

喺花園街附近行街行到攰攰哋，又開始肚餓，一於喺附近搵食先。沿路餐廳都唔少，但見到“雲吞仔”呢個名咁特別，停低腳步望多兩眼。餐廳光線明亮乾淨，主打港式粉面，當然唔少得雲吞麵，正合我意。餐牌提供套餐同散叫，套餐有主食加飲品，價錢親民。我本身已鎖定目標雲吞麵套餐，點知見到有黑松露鮮蝦雲吞，咁少見，一於揀佢啦。黑松露鮮蝦雲吞幼麵雲吞有5粒，每粒都脹卜卜。一咬開，黑松露味好香，蝦肉爽口彈牙，絕無混入肥肉，點點黑松露清晰可見，非常好食。幼麵亦無鹼水味，煮得啱啱好，唔會太淋。炸魚皮份量唔少，勁脆，而且無油益味，浸湯時，仲會聽到“滋滋”聲，簡直係必食食物。油菜蠔油菜心夠脆綠豆漿涷豆漿冰涷有豆味，相當唔錯雲吞麵看似簡單，但心思十足，仲可以外帶生雲吞，有機會要多啲幫襯。