芝加哥串燒 (美豐花園) (已結業)

其實在大埔搵食大家都可能集中了在商場內，但其實如果肯行出商場，大埔還有好多不同的選擇，而這裡就是一個唔錯嘅推介，雖然位置就唔算就腳，但要食好東西，行過少少都沒有問題，店舖本身唔係好大，內有四張枱，座位都係似一舨酒吧裝修，但望到餐牌就有驚喜，有最愛嘅意大利飯～黑松露意大利飯配帶子，同燒烤醬配豬肋骨，而小食就點了個炸魚薯條，加多兩支啤酒就係今晚嘅選擇。最快當然係兩支夠晒冰凍嘅啤酒，係夏天最解暑嘅飲品絕對唔會錯！再配埋個熱盪盪炸魚薯條，大大塊魚柳，外脆內軟嫩滑，真係十分好味！薯條炸得都十分香脆可口，一啖啤酒，一啖炸魚，爽！黑松露意大利飯配帶子，上面有兩大隻帶子，入口爽口彈牙，而陣陣松露香味撲鼻，意大利飯入口煙韌彈牙，飯身還沾滿了松露外還有彈牙野菌，入口十分有口感！另外燒烤醬配豬肋骨亦十分大份，豬肋骨上面鋪滿了燒烤醬，切開時已感覺到肉質軟熟，入口時就更加感受到個種肉質淋軟同骨肉即時分開嘅感覺！配上燒烤醬味道濃郁！慢慢食，又可以吹下水，相對真係一個唔錯嘅地方選擇！