影片
更多
2017-03-05
1032 瀏覽
揾到高價而好食嘅餐廳很容易, 我地就是喜歡向高難度挑戰, 揾一啲有格調、好食又抵食嘅餐廳 呢餐係補祝生日飯, 前幾天已經喺open rice開始做功課, 希望揾一家比較有特色又啱口味嘅餐廳。最後決定去Trattoria Doppio Zero, 除左個餐廳名Doppio Zero令我感覺呢間餐廳對食物品質嘅追求, 亦都俾它嘅prime ribeye連牛骨髓吸引, 一於黎試吓先!今日係年初五, 加上餐廳處於上環一幢商廈嘅地庫, 令我覺得幾幽靜舒服, 好鍾意嗰種subtle elegance嘅感覺。 我地得兩個人, 所以就根據其他食評, 再經精挑細選點菜。紅菜頭平時見得多, 呢個沙律用埋金菜頭, 真係好少見, 個金菜頭仲要另外用海鹽烹調, 真係一絲不苟! 沙律用左乳酪同黑醋做醬汁, 酸酸地好開胃、好清新 洋蔥湯亦都好有特色! 除左有隻自家製意式雲吞外, 上枱時 waiter 仲會將打成白色泡嘅 mozzarella 倒入洋蔥湯入面, 令到成個畫面好靚。餐廳亦都好貼心, 我地兩個人只點左一個湯, 但就幫我地分左兩碗, 所以倒 mozzarella foam係倒左兩次 以前飲嘅洋蔥湯好多都係
呢餐係補祝生日飯, 前幾天已經喺open rice開始做功課, 希望揾一家比較有特色又啱口味嘅餐廳。最後決定去Trattoria Doppio Zero, 除左個餐廳名Doppio Zero令我感覺呢間餐廳對食物品質嘅追求, 亦都俾它嘅prime ribeye連牛骨髓吸引, 一於黎試吓先!
今日係年初五, 加上餐廳處於上環一幢商廈嘅地庫, 令我覺得幾幽靜舒服, 好鍾意嗰種subtle elegance嘅感覺。
我地得兩個人, 所以就根據其他食評, 再經精挑細選點菜。
紅菜頭平時見得多, 呢個沙律用埋金菜頭, 真係好少見, 個金菜頭仲要另外用海鹽烹調, 真係一絲不苟! 沙律用左乳酪同黑醋做醬汁, 酸酸地好開胃、好清新
洋蔥湯亦都好有特色! 除左有隻自家製意式雲吞外, 上枱時 waiter 仲會將打成白色泡嘅 mozzarella 倒入洋蔥湯入面, 令到成個畫面好靚。餐廳亦都好貼心, 我地兩個人只點左一個湯, 但就幫我地分左兩碗, 所以倒 mozzarella foam係倒左兩次 以前飲嘅洋蔥湯好多都係放一片 mozzarella 喺洋蔥湯面, 會比較膩, 呢個湯將 mozzarella 打成泡飲落去就比較清新, 洋蔥味同 mozzarella 味分明但好夾
Prime ribeye 點左medium rare, 煮得恰到好處, 牛好香好嫩滑。牛骨髓我自己就覺得麻麻地, 食落去好似食緊啲肥膏咁, 不過個擺盤就靚啲特色啲。
黎到當然要試吓餐廳嘅意粉, 睇吓用00號麵粉handmade出嘅意粉有咩唔同 意粉真係比平時食嗰啲滑同彈牙! 呢個大蝦意粉配上左XO醬, 一般我麻麻地呢啲中西fusion野, 但呢個配搭個味又幾夾, 辣辣地幾惹味。Pasta可以點 half 或 entree, 我覺得好好呀，可以俾客人試多啲唔同款式嘅菜
透過open rice訂枱時喺備註度寫左係慶祝生日, 請餐廳喺我地點嘅甜品上點上蠟燭。我黎到冇提起, 因為都未確定會唔會點甜品。以為餐廳會唔記得左啦, 點知送上甜品時除左點左蠟燭同寫左Happy Birthday, 搞到連我都驚喜埋一份 Happy Birthday, happy every day
張貼
