大伯紅豆餅 by 阿元來了 (已結業)

我相信大家都一家聽過「阿元來了」呢間台式餐廳🍴！但你有冇聽過「大伯紅豆餅」？如果你去開觀塘分店，就要見到出面有得外賣紅豆餅，今日就嚟介紹下其中兩款掃街美食啦！第一款係台式車輪餅，舖頭有成十多種口味，我就揀左最經典既紅豆味，簡單D講就似係台式豆沙包😂！如果你係12點果陣去，好多時都係即叫即製！相比起日式豆沙包，車輪餅個表比較薄同脆。個餅加左少少綠茶粉，一諗起係紅豆加綠茶既經合真係心郁郁！而中間個餡料係用左牛油煮成既紅豆餡，相比起日式，無咁甜同無咁乾身！心感外脆內軟，真心唔錯，賣$12一個都合理！第二款係係台灣夜市受歡迎既雞蛋糕。出面就係軟熟，而入面個餡係普通既吉士餡。坦白講，我覺得唔太吸引😂😂，味道一般。我覺得兩款野食，都係車輪餅比較吸引。平時係觀塘返工既朋友不妨去試試啦！不過留意返，出面既紅豆餅店只開星期一至六 12至6，6點左右就閂門，想食即叫即製既朋友就預早少少時間嚟啦！