勝利牛丸

營業中

休息中

難得入元朗，當然問下住果邊既朋友，做定功課睇下有咩好食：P朋友推介勝利牛丸米，仲好細心教埋我點叫餐：「丸米」、「丸腩米」，可再選擇要否「加色」，即是加醬汁。配料有牛腩、牛筋、牛丸選擇，雙併三併都不用加錢；我貪心想試哂咁多款。就同男友一人一碗三併：P$32一碗麵來說，份量是足夠的。牛腩、牛筋的顏色較平日吃的淺，略帶柱侯醬香，可惜部位唔算靚，好韌！好難咬！因為咬唔到，所以食唔哂。牛丸則大小均勻，口感爽口彈牙，啖啖牛肉味，好味！食完覺得唔夠喉，男友竟然加了一份勝利西多！好邪惡！（呢d野當然有佢係度先敢食）西多內有芝士、火腿、花生醬，有三層麵包！不得不讚，真係好好好好好味！西多表層香脆，充滿蛋香；內層麵包軟熟，不會炸至乾透。本以為配芝士火腿會太鹹，誰知有糖漿、花生醬的相襯下，不同的味覺交織著，非常有特色！總結：牛腩、牛筋有點令人失望。下次來的話，只為牛丸、西多而來。餐廳環境比較嘈雜，服務一般。