影片
更多
2019-03-07
70 瀏覽
終於黎潮聖番茄師兄嘅蕃茄湯底！之前見報導同openrice 食評口碑都唔錯，一直放左係自己嘅必食清單裡面，因為大愛蕃茄湯底，同埋之前睇過報導話坊間多數都係用豬骨熬製湯底，但番茄師兄係用牛腩及牛骨天天新鮮熬煮，加入大量番茄，啖啖番茄蓉，仲要冇任何添加劑！係星期六中午到，真係人山人海，仲要等下位先入！食物選擇都算多，就算本身唔食牛嘅都可以有海鮮或者豬肉食！同埋有唔同小食，飲品，蔬菜，炸物，濃湯可供選擇！一貝子 $68「一貝子」裡面有新鮮大花蜆、北海道刺身級帶子！我就揀了烏冬，因為如果個茄湯夠濃原嘅話可以掛起啲湯，更加可以啖啖蕃茄！仲($+3)要了椰菜！花蜆大大隻賣相已經好吸引了，食落肉質肥美飽滿，充滿海水味，處理得得宜食落都冇沙，所以好鮮味！而帶子有用牛油煎香兩邊，外層脆，內裡嫩滑，而且煎得岩岩好唔會好韌！個蕃茄湯果然冇令我我失望，係濃厚路線，仲要有唔少茄蓉！正！犇犇有禮 $78朋友就叫了「犇犇有禮」要拉麵，入面有唔同部位嘅騸牯牛肉：新鮮牛面頰、牛坑腩、崩沙腩。牛坑腩同崩沙腩燜得軟腍，唔會好韌！食落牛味仲好濃郁，原來係因為店主用了騸牯牛肉，所以肉味比平常牛肉濃郁，脂肪分佈
係星期六中午到，真係人山人海，仲要等下位先入！食物選擇都算多，就算本身唔食牛嘅都可以有海鮮或者豬肉食！同埋有唔同小食，飲品，蔬菜，炸物，濃湯可供選擇！
一貝子 $68
「一貝子」裡面有新鮮大花蜆、北海道刺身級帶子！我就揀了烏冬，因為如果個茄湯夠濃原嘅話可以掛起啲湯，更加可以啖啖蕃茄！仲($+3)要了椰菜！
花蜆大大隻賣相已經好吸引了，食落肉質肥美飽滿，充滿海水味，處理得得宜食落都冇沙，所以好鮮味！而帶子有用牛油煎香兩邊，外層脆，內裡嫩滑，而且煎得岩岩好唔會好韌！個蕃茄湯果然冇令我我失望，係濃厚路線，仲要有唔少茄蓉！正！
犇犇有禮 $78
朋友就叫了「犇犇有禮」要拉麵，入面有唔同部位嘅騸牯牛肉：新鮮牛面頰、牛坑腩、崩沙腩。牛坑腩同崩沙腩燜得軟腍，唔會好韌！食落牛味仲好濃郁，原來係因為店主用了騸牯牛肉，所以肉味比平常牛肉濃郁，脂肪分佈都平均啲，所以咬落更有層次，跟雪藏肥牛口感味道真係好大分別！而日式拉麵有咬口，又係好掛湯！
秘制沙嗲牛柏葉 $28
牛柏葉和好夠爽嫩，份量多！佢嘅牛柏葉唔會切到好薄，質感很好，而且配埋秘制沙嗲汁就更加惹味，厚切牛柏葉可以掛起啲汁！
鮮炸紫菜墨魚丸 $24
紫菜墨魚丸做得好爽口彈牙，質感好，很重墨魚味，而且又唔會炸都好油，外皮炸到煙韌香口！
檸檬雪梨露 $18 (凍熱同價)
呢到飲品都係自家製！我同朋友都點了檸檬雪梨露，一杯熱一瓶凍！檸檬雪梨露真係真材實料，啖啖雪梨蓉，夠晒滋潤呀，又唔會好甜！
🍽8/10
🔎 番茄師兄
深水埗基隆街255號地舖
張貼
