影片
更多
2018-08-27
4174 瀏覽
諗返起之前去日本旅行，去到當地指定動作就係食燒肉，完全係食極唔厭，最近又再次想念日式燒肉既味道，所以特意搵左間日式燒肉店做今晚晚餐燒肉店靠近地鐵站，行過去都係只需三分鐘左右就到，非常容易搵，店門外都係和風木裝修，拉開木門，店內已經有唔少客人用餐，店員友善帶我地到吧枱座位，為我地介紹幾款燒肉類，最後我地點左前菜小食，沙津，手打烏冬同幾款燒肉磯煮鮑魚（兩隻）鮑魚切件放好係殼上，估唔到比想像中大隻厚肉，食落甜甜又入味，口感煙刃帶勁，旁邊放左數件漬物，酸甜開胃日本安曇野豆腐沙津配胡麻醬知道一陣會食燒肉，所以特意點左個沙津清一清，沙津菜全部都切哂絲，唔會好似平時食到咁大塊，食得好俐落，豆腐嫩滑豆味濃，配胡麻醬一齊食味道好夾，清新開胃海膽冷稻庭手打烏冬同朋友不約而同咁指住要叫依道手打烏冬，因為我地都係海膽迷，所以毫不猶豫就點左，一送到上枱已經被上面既海膽深深吸引住，餐廳用左稻庭手打烏冬，點埋冷面汁同芥末蔥粒一齊食，口感爽滑彈牙，食落帶微微芥末味，清涼中帶點刺激，海膽入口鮮甜滑溜，而且份量都幾多，如果都會叫其他食物的話，其實都足夠兩至三人一齊食豚腩肉（鹽燒）終於到我地最期待既燒肉環節，豚腩肉每片都切
燒肉店靠近地鐵站，行過去都係只需三分鐘左右就到，非常容易搵，店門外都係和風木裝修，拉開木門，店內已經有唔少客人用餐，店員友善帶我地到吧枱座位，為我地介紹幾款燒肉類，最後我地點左前菜小食，沙津，手打烏冬同幾款燒肉
磯煮鮑魚（兩隻）
鮑魚切件放好係殼上，估唔到比想像中大隻厚肉，食落甜甜又入味，口感煙刃帶勁，旁邊放左數件漬物，酸甜開胃
日本安曇野豆腐沙津配胡麻醬
知道一陣會食燒肉，所以特意點左個沙津清一清，沙津菜全部都切哂絲，唔會好似平時食到咁大塊，食得好俐落，豆腐嫩滑豆味濃，配胡麻醬一齊食味道好夾，清新開胃
海膽冷稻庭手打烏冬
同朋友不約而同咁指住要叫依道手打烏冬，因為我地都係海膽迷，所以毫不猶豫就點左，一送到上枱已經被上面既海膽深深吸引住，餐廳用左稻庭手打烏冬，點埋冷面汁同芥末蔥粒一齊食，口感爽滑彈牙，食落帶微微芥末味，清涼中帶點刺激，海膽入口鮮甜滑溜，而且份量都幾多，如果都會叫其他食物的話，其實都足夠兩至三人一齊食
豚腩肉（鹽燒）
終於到我地最期待既燒肉環節，豚腩肉每片都切得厚薄適中，網燒時豬油滴落炭上令豚腩肉更加搶火快熟，食起黎有少少焦香味，豬肉味甜，點少少燒肉汁食的確一流，真係忍唔住要送碗白飯
日本國產阿波尾雞腿肉
平時食開燒肉都比較少叫雞肉，咁啱朋友喜愛食雞腿肉，所以點左一份，完全無脂肪位，估唔到慢燒都好快燒熟，以為食落會比較乾身，但一入口竟然仲保持到軟熟口感，仲帶少少肉汁，唔錯啊
美國Prime牛角切
切粒既Prime牛雪花紋路分佈平均，牛比豬快熟，而且又唔洗燒到全熟就食得，入口好香濃既牛味，口感有咬勁，細細粒容易入口，好香好好食
美國Prime牛小排
今晚最期待既牛小排，同牛角切一樣雪花紋路好靚，而家有少少厚切左，加左少少胡椒碎燒，燒至五成熟就食得，食落油分高，咬個時帶肉汁啖啖肉，本身冷手打烏冬既海膽未食哂，所以我夾左少少放係塊牛小排上面加埋一口咁食，令牛肉油份同海膽鮮甜味合二為一，真係好好食，簡直一流！
日本國產帆立貝
最後一道係帆立貝，面頭放左黑松露蒜蓉牛油，放係網上燒，將帆立貝翻底同蒜蓉牛油一齊燒熟，燒到半透明就食得，咬左一口帆立貝，口感嫩滑爽甜，夾雜左黑松露蒜蓉牛油，勁香黑松露味，味道啱啱好又唔會過份咸，仲食到帆立貝鮮味，正啊！
整體而言，食物質素唔錯，每樣都新鮮，燒熟後都保持到原有食物既味道，價錢合理，份量適中，同日本食到既質素相近，食完真係完全還左我日本燒肉心願了
張貼
