麻市滋味館 (已結業)

黃金蝦蝦肉好大隻，蛋黃包住炸到金黃食。食落非常香脆，脆到蝦頭都食得。蛋黃味道甘香，蝦肉新鮮爽甜，好出色👍🏻。冰鎮鮑魚鮑魚好大隻，原盤冰鎮住出黎，賣相做得幾好。鮑魚夠新鮮，唔會有雪味，口感爽口彈牙，點少少豉油已經好好食。糯米蒸蟹原籠糯米蒸蟹上枱，熱辣辣出哂煙上枱，香氣十足！蟹嘅精華落哂糯米飯，糯米飯嘅味道異常鮮甜，蟹肉驚人！而蟹肉亦非常實肉，唔似普通水蟹無咩肉食。蟶子皇蟶子非常大隻，就算炒熟左都唔會縮水縮到無咩肉食。口感爽口彈牙，感覺好新鮮，配埋啲豉椒一齊炒好惹味，雖然味道偏鹹，但都唔會蓋過左蟶子本身嘅鮮甜味