樂天皇朝 (東薈城名店倉)

營業中

休息中

好耐冇黎東涌outlet行，原來開左新既另一邊仲多左好多美食，建議大家都早d食野，我地接近7點拎位都要等左20分鐘先入等。呢間餐廳不嬲出名小籠包，我地就叫左六粒原味（＄62），皮薄但唔會一拎起就漏曬啲汁，可以原汁原味成個食曬👍🏻果然唔係浪得虛名。前菜就叫左兩個小食，分別係醋醬海蜇頭同上海風味醬鴨，前者個味道不錯，醋酸度適中好開胃但份量有點少，適合兩口子食。後者，個鴨略為有點硬同偏咸，不過不失。主菜就叫左蒜容炒油麥菜，鑊氣重唔會話太油，但份量都係少。最後呢個就係蟹黃炒飯，唔好睇佢份量都好少，但有蛋黃同蟹膏撈埋一齊，都好飽濟。