雲來軒 (已結業)

在電視上常看到保哥教都煮餸、 今晚終於有機會到雲來軒一嘗保哥手勢。金磚豆腐 $78 炸粉好薄、炸得香脆可口、加上少許椒鹽和黑芝麻好正！柚子脆蝦球 $178柚子蝦球大大隻、炸得酥脆鬆化、蝦球新鮮彈牙、沾上柚子汁酸酸甜甜超好吃、有個白飯就好喇😆醒胃話梅雞 $188 半隻熱騰騰石鍋送上、雞肉幾滑、帶淡淡話梅味、三色椒色都好甜！香江懷舊雜菜煲 $138 有粉絲、菇、雜菜、蝦乾、西蘭花等。 秘製日本黑蒜醬鮮露筍紅皮炒飯 $148金字塔型的炒飯有好濃的黑蒜味道、飯粒炒得粒粒分明。原來紅皮是燒乳豬皮、加入炒飯脆脆地更香口。最後還點了三十年陳皮紅豆沙、紅豆磨成蓉入口起沙、陳皮味好濃、不過價錢都不便宜呢。