咖啡灣 (已結業)

一貫新店嘅作風，一開張長期都好長隊，搵咗一日平日夜晚食，大概七點半到唔駛排隊。咖啡灣嘅風格係西餐不過比較新穎，又有Fish and Chips又有炸雞，價錢中上，而食物嘅質素都好唔錯。推介之一係芝士炸雞，雞件都有成十塊，淨配芝士粉已經好match，佢仲配有三款醬，泰式辣醬、芥末、果醬，都好食，個人偏好芥末。Fish and chips 都正，炸魚一啲都唔乾都唔會好散，配他他醬一流。叫咗三個pasta，當中最出色嘅係櫻花蝦明太子意粉，微辣得好野味，而每碟嘅意粉都好大碟。