北海丼 (已結業)

鰻魚其實係一種統稱，當中包括好多種外形細長，好似蛇一樣咁嘅魚，而河鰻同海鰻就係其中兩種常見嘅鰻魚。嚮日本，只有以蒲燒製作嘅河鰻，先可以稱為「鰻-Unagi」，壽司店提供嘅通常都係海鰻，稱為「穴子-Anago」(又稱星鰻)，後者價錢相對便宜，甚至可以相差一倍。一般嚟講海鰻嘅肉質較為軟腍，而河鰻嘅油脂就較豐富。呢個丼嚟講，鰻魚同海鰻嘅味道都唔錯，前者有油香，後者就夠軟熟。 但飯方面就做得比較差，飯粒本身已經無醋味同無飯香，加上醬汁好少，所以個飯食落好dry。其實飯先係個丼嘅靈魂，如果連飯都處理唔好嘅話，配菜幾好食都無用，就好似變咗飯同鰻魚係兩樣分割嘅野，而唔係一個整體。經過火炙之後，熔化咗嘅脂肪唔單只令到，魚生散發出一陣嘅油香，口感亦都更加軟滑。但可惜醬油同米醋落得太多，同岩岩嘅鰻丼完全相反，搞到米飯嘅味道過濃，食落好鹹好酸⋯磯煮係日本一種煮海鮮嘅方法，意思係用醬汁加上昆布以慢火炆煮。 呢道凍食嘅磯煮鮑魚，經過炆煮之後，表面染上咗一層薄薄嘅湯汁，帶醬油色嘅光澤，醬油同昆布嘅調味淡雅清新，無中式炆煮嘅咁濃味，唔會搶咗鮑魚本身嘅鮮味，入口甘香，而且肉質鮮嫩得嚟又爽口彈牙，好有驚喜！