FLIPPER'S (已結業)

過左一段時間，諗住食pancake既熱潮減退左少少，應該無咁多人排隊啦掛！點知12點去到，都仲要排左足足一個鐘先入到去！舖面座位夠曬闊落，坐得舒服。但眼見旁邊有2張檯都滕空，遲遲先安排客人坐，咁既速度難怪到要排咁耐隊啦先付款再等多約20分鐘，才會有新一round即叫即製既熱pancake出爐。季節限定既哈密瓜班戟成$159未免太貴吧，都係食返個原味班戟探下路先！脹卜卜、震騰騰三大件一碟，蛋味十足，甜而不膩，比起K11果間更為有質感，竟然食得飽另一款榛子朱古力香蕉班戟顧名思義係響原味班戟上加更多既配料，味道無咁寡，口感更豐富