The BASE (已結業)

女朋友帶我到這裡原來想食午餐的，但去到已經3點幾，只有下午茶menu。 基本上我每次下午茶menu一看到有牛肉漢堡我都必定會揀的。 今次看見有牛肉漢堡(忘記係安格斯定咩)，最驚喜係凍飲可以揀泰式奶茶，也有檸檬冰紅茶。當然我會揀泰式奶茶，因為本身我都好鍾意飲。先來凍飲，賣相已經很吸引，一試，味道基本上與地道的泰式奶茶很相似， 而間餐廳最特別係平日既lunch, tea 同假期既brunch 都會有得揀唔同既特色凍飲同熱飲，唔洗加錢。主菜來了，賣相一樣吸引，牛肉既厚度同M記足3兩宣傳既厚度一樣，蕃茄略微小了一點，芝士半溶狀態，一口咬落去，很 juicy又有牛味 ，牛肉有點微粉紅，煎得剛剛好，面包很軟身，略為不夠外脆，配送的薯格很脆很熱。78元的價錢有這配搭，實在很抵吃，在其他餐廳分分鐵要98以上還沒有飲品。但要留意同一個餐，午餐同假日brunch 係貴幾十元不等的。