金湯鍋小菜料理 (已結業)

因為同朋友慶祝生日, 再加上大家都係附近番學, 於是一放學就走左去打邊爐了, 凍凍地打邊爐就最正其實之前都想試呢間, 但佢門口無講d野食咩價錢, 又唔知道係唔係超貴, 所以無去, 但因為同朋友慶祝生日, 於是決定試一下。入到去唔算太多人, 佢地有兩種爐揀, 好難得到今時今日, 重有石油氣爐打, 不過我地都係揀左電爐。一入到去, 個位阿姐不停催我地叫d野飲, 同叫左個湯底, 初初都唔係咁順氣, 因為明明間野唔多人, 重好多位, 點解係咁催我地。 不過, 個阿姐幾有料的, 佢教我地點左個「木耳竹絲雞翅頭」湯底, 好正! 保湯乜都未落野, 齋飲已經好好了。d野放左落去就更加正, 點左個厚切肥牛, 雖然佢話係細碟, 但都已經好ok.. 四人份量非常足夠。 然後再點左生蠔, 鵝腸等, 又叫左蝦滑併魷魚滑!! 樣樣都好正! 最正係個炸手捲腐皮, 雖然唔係最貴, 但卻是最多個配料中最好食, 再配上個酸汁, 極度惹味。 但三寶丸就十分普通, 後來叫左個野菌什菜盤($40), $40食到好飽!! 而且全部都係新鮮菜... 埋單唔太貴, 只係$140左右, 而且無加一無收茶錢。 下次可以再食